Lukas 6:22 - Abun Scripture

²² Nin yé gato simo Yetu bi Pa to Ji ré, bere yé bariket nin, yé misyar nin, yé kabor nin, yé kiket nin gum ibit mone yo, nin mit at wa.

Lukas 6:22 ပူးပေါင်းရင်းမြစ်များ

Matius 10:18

Nin benbot suk gato Ji ki ne, sane bere ye gwat nin mu mo yepasye gwem. Bere ye gwat nin mu mo yekwesu gato ye kendo do yeraja ne gwem. Mone bere nin ki sukdu subot os be gato Ji kak wa yetu sok mo Yefun Allah bi rus-i. Nin ki sukdu gato ndo ne nai yepasye ne si yewis yi neya sino.

Matius 10:22

Nin ben Ji bi suk-i, sane bere yé mwa ne sino bariket nin, wo ye gato onyar kem pe mo Ji sor kom mo pe gato or mó, bere ye ne kem ndo to kapyo mato kapyo.

Matius 10:39

Ye to werwa an dakai mewa an nggwa, bergan an kwop re, wo ye to bi nggwa mo Ji wa an ben Ji bi suk-i yo, bere an kem ndo to kapyo mato kapyo.”

Lukas 20:15

Sane yé ne gwat pa mu kadit nggwe, ete yé gu pa kwop wé mone.” Orge Yefun Yesus ki do, ”Sane yenggras gato bi nggwe ne bere ben suma su ye gato mewa an bi nggwe ne?

Lukas 21:17

Nin ben Ji bi suk-i, sane bere yé mwa ne sino bariket nin.

Lukas 6:21

Nin yé gato on de su kam ré, nin mit at wa, we bere nin on ge mone tó. Nin yé gato wo su kam ré, nin mit at wa, we bere Yefun Allah ben nin sa o re.

Yohanes 12:42

Kapre Yesaya ki sukdu sane o, yetu mwa nai sukjimnut dik wa án onyar kem mo Yefun Yesus. Ye Yahudi bi yepasye ge bok yo dom nai sukjimnut digane, sarewo án nokwa án ki bor nai ye yi jam, we án ki rer sane yo, bere ye Farisi duyawa án sok ari o re.

Yohanes 16:2

Bere ye Yahudi syun nin wé kadit án bi nu ari. Bere kapyo tak yé gato gu nin kwop wé gendo suk gato án ben ne Yefun Allah imo.

Yohanes 17:14

Ji frot Nan bi suktaru nai án, eteyo yetu mo bur ré bariket án re, we án si yetu mo bur ré yo bi sukjimnut-i tepsu dik nde. Ji dom, Ji si yetu yo bi sukjimnut-i tepsu dik nde.

Yohanes 7:7

Yetu mo bur ré bere án yo bariket nin nde. Sarewo Ji ki yetu mo bur ré mo sukibit gato yé ben ne bu anato án bariket Ji.

Yohanes 9:34

Ye Farisi ki nai pa ne do, ”Mban! Kadit kam gato nan bi im kem su nan, sukibit mwa jom nan re, or o su ré, nan nut do, nan anato duno men e?” Sane ye Farisi duyawa pa ne sok mo ye Yahudi bi nu ari, yé syun pa mu mo nden wé kadit re.

Suk Gato Yerasul Ben Ne 22:22

Yé mwa mone jam suk gato Paulus ki ne sor kom mo sukdu subot Yefun Yesus syogat an mu mo yewis yi sa, yé mwa ne on sa ket Paulus. Yé mwa ne saiye nggi do, ”Nan gu ye ré kwop wé sor. Ye ré kem mo bur ré yo, bere ibit re.”

Suk Gato Yerasul Ben Ne 24:5

Men me do, ye gare ben sukibit. An krokgat ye Yahudi, an ben ye Yahudi maskwa yu e, an ben ye Yahudi saiye daret e ne mo bur ré iwedewe. An yekwesu, an gwat ye Nazaret bi sukdu-i ki frekbot buryo-buryo.

Suk Gato Yerasul Ben Ne 9:16

Bere Ji dakai kadum nai an do, an gwat Ji gum mu ki nai yé mwa ne sino yo, bere an ku sukye ndo nde mone.”

Yakobus 1:12

Ye to ku sukye, ete an yo misyar Yefun Allah nde, wo an jom Yefun Allah bi sukdu-i ne krat sor, bere an mit at wa, we án jam do, sukye ne or kadit an yo, bere Yefun Allah syo suk gato ndo nai an mone, bere Yefun ós an kem ndo tepsu Yefun Allah tom su ye gato bi sukjimnut sye kas subot Yefun Allah ne.

1 Petrus 3:14

Wo nin do ku sukye mo sukndo gato nin ben ne it yo, nin wi nin ambre sor, we bere Yefun Allah ben sukndo su nin mo koirut o re. Nin nyuwa ye gato werwa ben sukye nai nin nde, nin nutbot sukibit gato an ben ne teker eta dom nde.