Lukas 6:21 - Abun Scripture

²¹ Nin yé gato on de su kam ré, nin mit at wa, we bere nin on ge mone tó. Nin yé gato wo su kam ré, nin mit at wa, we bere Yefun Allah ben nin sa o re.

Lukas 6:21 ပူးပေါင်းရင်းမြစ်များ

Matius 5:4

Ye gato nderku an nggwa mo sukibit gato an ben ne, ye ne mit at wa, we bere Yefun bes an kadit sukye gato an ku mone.

Matius 5:6

Ye gato bi sukjimnut sye wa ben suk tepsu Yefun Allah mit, ye ne mit at wa, we bere Yefun kadum suk mwa gato Yefun iwa ye ne ben ne sino.

Lukas 1:53

Ye gato on de, ye gato yéwa suk, Yefun Allah syo suk mwa gato ndo nai yé ne, sarewo ye gato ku suk mwa, Yefun Allah syun yé ne mu yi.

Lukas 6:20

Yefun Yesus sokwa An bi pakon, orete An ki do, ”Nin yé gato yewa suk, nin mit at wa, we Yefun Allah anato nin bi Yekwesu gato mewa nin.

Lukas 6:22

Nin yé gato simo Yetu bi Pa to Ji ré, bere yé bariket nin, yé misyar nin, yé kabor nin, yé kiket nin gum ibit mone yo, nin mit at wa.

Lukas 6:25

Nin yé gato bi sugit mwa su kam ré, nin kwabom dek wa sor, we bere nin on de mone tó. Nin yé gato sa su kam ré, nin kwabom dek wa sor, we bere nin wo mone tó.

Yohanes 11:35

Orete Yefun Yesus wo.

Yohanes 4:10

Yefun Yesus ki do, ”Nan jam suk gato Yefun Allah fro wa syo nai nan ete nan jam Ji gato ndek syur mo nan ne yo, bere nan waii ndekwa Ji syo syur gato ós nan kem ndo nai nan da, ete bere Ji syo syur ne nai nan da re.”

Yohanes 6:35

Yefun Yesus ki nai án do, ”Ji ré anato tepsu sugit gato ben yetu mbau. Ye gato ma mo Ji yo, an yo on de o nde. Ye gato onyar kem mo Ji yo, an yo sosa o nde sor to kapyo mato kapyo.

1 Korintus 4:11

Kadit nyim kom more, men on de, men yewa sugit, men yewa syur. Men bi san syik mo men da. Yé ben sukye nai men. Men yo ku nu wa men kem pe mo nde.

2 Korintus 11:27

Ji samok wa ben suk, ji wergat ji nggwa, ji ben suk noru nombrak sor, ji yo ndo o nde, ji yo sem ri nde, ji on de, ji sosa, ji yo git sugit ri dom nde, ji yewa sugit, ji yewa san, ji dot, we ji ku nat yo wa ji sem mo nde.

2 Korintus 12:10

Sane anato mo pe gato ji yo nggi nde, bere Kristus bi suktinggi bor mone tó. Ji ben Kristus bi suk-i yo, ji iwa ji ku sukye mone, ji iwa yé kabor ji gum ket kwayo-kwayo e, ji ku sukye e, yé werwa yé gu ji mo Yefun Allah bi suk-i e, ji yewa sukyo-sukyo e ne. Mo sukye bok ne, ji yo nggi o nde yo, bere Kristus bi suktinggi bor sye mone, ete ben sato ji nggi wai kadit sukye gato ben ji rere ne o re.

2 Korintus 6:10

Men da nderku nggwa, sarewo men mit at wa suk mwa neya petok sor. Men yo ku suk yo mo nde, sarewo men kak os wa yé mwa neya ku suk mwa kadit Yefun. Ye da nut do, men bi suk yo mo nde, sarewo men sa, bi suk mwa ne sino mo bur ré iwedewe mó re.

Yakobus 1:12

Ye to ku sukye, ete an yo misyar Yefun Allah nde, wo an jom Yefun Allah bi sukdu-i ne krat sor, bere an mit at wa, we án jam do, sukye ne or kadit an yo, bere Yefun Allah syo suk gato ndo nai an mone, bere Yefun ós an kem ndo tepsu Yefun Allah tom su ye gato bi sukjimnut sye kas subot Yefun Allah ne.

Wahyu 21:3

Orete yé jam Yefun Allah mo An bi kursi sye ne ki sye sare do, ”Ré yo, Ji, Yefun Allah, ma kem sisu yetu it! Bere Ji ma sisu yetu kem mo nat dik sino re. Yetu ne tepsu Ji bi rus-i re. Ji dakai sisu Ji bi rus-i kem mo nat dik sino tepsu yetu bi Yekwesu ne o re.

Wahyu 7:16

Bere án yo on de o nde. Bere án yo sosa o nde. Bere kam yo gat án da yó o nde. Nofuf kam yo kas gat án da yó o nde.