Lukas 6:19 - Abun Scripture

¹⁹ Yé mwa mone werwa án rot Yefun Yesus, we án me Yefun Yesus bi suktinggi bor mone, án me Yefun Yesus ben yé mwa gato i ge kadit án bi suki ne.

Lukas 6:19 ပူးပေါင်းရင်းမြစ်များ

Matius 14:36

ete yé ndek mo Yefun Yesus subere An misyar ye gato i ne dakai rot An bi san. Yé mwa ne sino gato rot Yefun Yesus bi san ne, án ge re, án jam nde án bi suki ne o re.

Markus 3:10

Yé mwa gato ma ku Yefun Yesus mone, yé ne jam sukdu do, Yefun Yesus ben yé mwa gato i ne ge re, sane yé mwa gato i mone, án buk mo yu, án werwa án rot Yefun Yesus subere án ge kadit án bi suki ne.

Markus 5:30

Nggon ne rot Yefun Yesus bi san nap sa, sugane Yefun Yesus jam do, An bi suktinggi syesyar kadit An kaim it anane. Sane Yefun Yesus brek sokme yé mwa ne, ete An ndo mo nje mone do, ”Je u anato rot Ji bi san ne?”

Markus 6:56

Mo pe bok ne sino gato Yefun Yesus mu mone, mo kota e, mo kampung e, mo nden e ne, yé sam ye gato i ne ma ete grem mo pasar mo nat gato yé so suk mó. Mone yé gato i ne ndek gat Yefun Yesus subere án rot Yefun Yesus bi san nap sor re, subere án ge re. Sane yé mwa ne sino gato rot Yefun Yesus bi san nap ne, án ge re, án jam nde án bi suki ne or re.

Markus 8:22

Yefun Yesus si An bi pakon mu kom mo kota Betsaida. Án mu kom mone sa, yetu ge bok yo gwat yebris dik yo gato gro ndu ma mo Yefun Yesus, ete yé ne ndek mo Yefun Yesus wa Yefun Yesus ben yebris ne gro ndo satu.

Lukas 5:17

Kam dik yo Yefun Yesus duno nje sa, ye Farisi si ye Yahudi bi yeguru agama ma mone dom. Án ma kadit kampung mwa mo bur Galilea si bur Yudea sino, si kota Yerusalem dom. Án ma kem mo nu mit, ete án syaretwa Yefun Yesus ki bi sukdu-i ne. Yefun Allah syo An bi suktinggi nai Yefun Yesus, subere Yefun Yesus nggiwa ben ye gato i mone ge.

Lukas 6:18

Yé mwa ma mone wa syaretwa Yefun Yesus bi sukdu. Án sino ma subere Yefun Yesus ben án ge kadit án bi suki dom. Ye gato semda bok nggwa mó, án ma dom, ete Yefun Yesus syun semda titi wé kadit án re.

Suk Gato Yerasul Ben Ne 19:12

Sane ye gwat san det wokgan gato Paulus syimtok e, ye gwat san gato Paulus it mo an on ke e ne, ye gwat san gane mu ak mo ye gato i sa, ye gato i ne ge re. Sane dom ye gwat san det gane ak mo ye gato semda ben ne sa, semda ne titi wé kadit ye ne, orge ye ne ge re.

1 Petrus 2:9

Wo nin sa, Yefun Allah nai nin tepsu An dakai bi rus-i it. Nin anato tepsu yewis gato Yefun Allah bes tepsu yesu mo Yefun Allah bi nu wa nin ben suk wa Yefun gato gum kok wai o re. Nin anato yewis gato Yefun Allah fro tepsu An bi rus-i wa nin ben An bi suk-i sor. Yefun Allah kiwa nin mu kadit pe gato ndendu ma mo An bi pe gato rer ndo yé. Sane nin ki subot suk gato An ben ndo wai ne nai ye yi jam.