Lukas 6:17 - Abun Scripture

¹⁷ Orge Yefun Yesus si pakon ge musyu dik sop we ne is kadit bobuk mu kom mo bombras dik yo mone. Mo bombras ne, yé mwa gato simo Yefun Yesus si yé mwa kadit bur Yudea si kota Yerusalem si kota we mo sem de, tó kota Tirus si kota Sidon ne, yé mwa ne ma sum mone sino. Yé mwa yé re sum mone.

Lukas 6:17 ပူးပေါင်းရင်းမြစ်များ

Matius 11:21

Yefun Yesus kiket án do, ”Ji ben ye gato i mo kota Korazim si kota Betsaida ne ge re, Ji syun semda titi wé kadit nje mone dom, sarewo yé yo kwet kadit sukibit gato yé ben ne nde. Sane bere Yefun Allah ben sukye nai nje mo kota we ne, we Ji do ben suk mwa gato ben yé yeket mo kota Tirus si kota Sidon yo, bergan sor, ete yé mone kwet kadit sukibit gato yé ben ne kekro, orete án it san gato te, ete án krer bofuf mo án su subere yé jam do, án kwet kadit sukibit ne it.

Matius 12:15

Yefun Yesus jam sukdu subot suk gato ye Farisi fro ne sa, An mu kadit nat ne. Yé mwa boribot An, An ben yé mwa ne sino gato i ne ge re.

Matius 14:14

Yefun Yesus mu kom motu ete is kadit kwem sa, yé mwa sum mone. An dakai jimnotku yé mwa ne, ete An ben ye gato i ne ge re.

Matius 15:21

Yefun Yesus mu kadit nat ne, ete mu mo bur dik yo karowa kota Tirus si kota Sidon.

Matius 5:1

Yefun Yesus me yé mwa ne sum sa, An it mo banbo, ete An kem mone. An bi pakon ma ku An mone,

Lukas 5:15

Kapre Yefun Yesus duyawa ye ne kibot suk gato Yefun Yesus ben ne, yé bok yo mu ki sukdu subot Yefun Yesus frekbot peyo-peyo mwa wai o re. Sane yé mwa ma mo Yefun Yesus subere yé syaretwa An bi sukdu-i. Yé mwa ma ku Yefun Yesus subere Yefun ben án ge kadit án bi suki dom.

Lukas 6:12

Kam dik yo o, Yefun Yesus mu it mo bobuk dik yo wa An ki suk su Yefun Allah mone. An ki suk su Yefun su noru ne sor, kom mo nombrak.

Lukas 6:16

Yudas gato Yakobus bi pa, si Yudas Iskariot gato ri ma meret os wa gwat yeko ma wa but Yefun Yesus.

Lukas 6:18

Yé mwa ma mone wa syaretwa Yefun Yesus bi sukdu. Án sino ma subere Yefun Yesus ben án ge kadit án bi suki dom. Ye gato semda bok nggwa mó, án ma dom, ete Yefun Yesus syun semda titi wé kadit án re.