Lukas 6:14 - Abun Scripture

¹⁴ Simon gato Yefun Yesus syo gum dik yo do Petrus, sisu an bi nji Andreas, Yakobus sisu bi nji Yohanes, Filipus, Bartolomeus,

Lukas 6:14 ပူးပေါင်းရင်းမြစ်များ

Matius 10:2

Ye gato Yefun Yesus bes tepsu An bi yerasul gum do, ketke Simon (gato ye kendo do Petrus) sisu an bi nji Andreas, Yakobus sisu bi nji Yohanes gato yenggras Zebedeus bi gan we ne;

Matius 10:3

Filipus, Bartolomeus, Tomas, Matius gato nai sugum kadit nje wa pemerintah; Yakobus gato Alfeus bi pa, Tadeus;

Matius 4:18

Yefun Yesus muket Em Galilea de sa, An sokme yetu ge we gato sok boge. An we yedik. Pa dosye ne gum do Simon (gato ye kendo do Petrus). Pa dowok ne gum do Andreas. An we bare mwi mo em ne. Kamdik-kamdik an we sok boge subere an we ku sugum.

Matius 4:21

Yefun Yesus mu kadit pe ne, orete An me yetu ge we yo o. An we yedik. An we ne gum do Yakobus si Yohanes. An we ne bi ai gum do Zebedeus. An we si bi ai fro bi mwi mo kwem mit. Yefun Yesus ma sa, Yefun kendo an we ma simo Yefun.

Markus 1:19

Yefun Yesus mubot em de ne, Yefun Yesus muket em de ne ko gan yo o, ete Yefun Yesus me yetu ge we yo o. Yetu ge we ne gum do, Yakobus si bi nji Yohanes, án ka we anato Zebedeus bi gan. An we fro an we bi mwi mo kwem mit.

Markus 1:29

Yefun Yesus si An bi pakon mu kadit ye Yahudi bi nu ari sa, án mu mo Simon si Andreas bi nu. Yakobus si Yohanes sisu án mu sino dom.

Markus 14:33

Yefun Yesus ki nai Petrus, Yakobus si Yohanes subere an ka gri si Yefun Yesus mu sino. Mone Yefun Yesus nderku nggwa, An kwabom dek subot sukye gato bere An ku ne, An nutbot sor An kaim rere su.

Markus 3:16

Pakon ge musyu dik sop we ne gum anare: Simon gato Yefun Yesus syo gum yo do Petrus,

Markus 5:37

Orge Yefun Yesus mu sor, An duyawa yé mwa mone, subere ye yo si An mu nde, wo pakon ge bok yo to Petrus, Yakobus si Yakobus bi nji Yohanes sor re ete sisu An mu mo nu ne.

Markus 9:2

Kam mumat rek o, Yefun Yesus kendo Petrus, Yakobus si Yohanes sisu An it mo banbo sye. Yefun Yesus si an ka gri ré sor re anato it mo banbo ne. An ka gri ne sokme sa, Yefun Yesus kaim tara or re.

Lukas 5:10

Ye we gato si Simon ben suk sino, Yakobus si Yohanes, gato Zebedeus bi gan we ne, an we yeket boge mwa ne dom. Orge Yefun Yesus ki nai Simon do, ”Nan nyu nde. Su ré yo, bere nan but yetu tepsu nan but boge.”

Lukas 5:8

Simon (gato gum yo o do Petrus) me boge mwa gato án but ne sa, Simon tu an umsu mo Yefun Yesus gwem, orete an ki nai Yefun Yesus do, ”Yenggras, Nan mu kadit ji et, we ji gum yo tep wa ji karowa Nan nde, ji ré anato ye gato ben sukibit.”

Lukas 6:13

Nombrak ete An kendo An bi pakon ge bok yo ma mo An. Kadit yé mwa gato ma mo Yefun Yesus ne An bes yetu ge musyu dik sop we, gato An kendo gum do yerasul. {Yerasul bi sukjimnut do ye gato Yefun Yesus syogat mu wa ben An bi suk-i tepsu An mo bur ré.} Yerasul ge musyu dik sop we ne gum anare:

Lukas 6:15

Matius, Tomas, Yakobus gato Alfeus bi pa, Simon gato sok mo yekweke,

Yohanes 1:45

Filipus mu ku yetu ge dik yo o gato gum do Natanael, ete Filipus ki nai Natanael do, ”Men ku Ye gato kam nyim tuya Musa krombot mo Yefun bi sukduno ne re. Men ku Ye gato yenabi dom krombot ne re. An anato Yusuf bi pa gato gum do Yesus. An ma kadit kota Nazaret.”

Yohanes 14:8

Filipus ki nai Yefun Yesus do, ”Yenggras, Nan kadum Nan bi Ai nai men me subere men yo nutbot o nde.”

Yohanes 6:5

Yefun Yesus kem mone, An sokbot nden neya sa, An me yé mwa teker ma mone. An ndo mo Filipus do, ”Men so sugit mo u wa yé mwa more git ne?” (

Yohanes 6:8

Yefun Yesus bi pakon dik yo o, Andreas, gato Simon Petrus bi nji ne, an ki nai Yefun Yesus do,

Suk Gato Yerasul Ben Ne 1:13

Án mu kom mo Yerusalem, án mu mo nu gato án kem mone. Án it mo gumwak mo nim. Yerasul gato kem mone gum do, Petrus, Yohanes, Yakobus, Andreas, Filipus, Tomas, Bartolomeus, Matius, Yakobus (gato Alfeus bi pa), Simon (gato sok mo yekweke), si Yudas (gato Yakobus bi pa).

Suk Gato Yerasul Ben Ne 12:2

An syogat ye sap Yakobus gato Yohanes bi nji dosye ne su nyom kwop wé re.

2 Petrus 1:1

Ji gato gum do Simon Petrus anato krom surat ré wa nin. Ji anato tepsu Yesus Kristus bi pakwerut. Yesus Kristus bes ji gum yerasul. Ji krom sukdu ré wa nin yé gato si men sino onyar kem mo Yesus Kristus. Yesus Kristus gato kak os wa men kem ndo kadit bot gesyos ne, Yesus Kristus gato tepsu Yefun Allah gato jom men ne, An ben An bi suk-i ri-roi su men sino anato nin onyar kem mo An tepsu men re.