Lukas 6:13 - Abun Scripture

¹³ Nombrak ete An kendo An bi pakon ge bok yo ma mo An. Kadit yé mwa gato ma mo Yefun Yesus ne An bes yetu ge musyu dik sop we, gato An kendo gum do yerasul. {Yerasul bi sukjimnut do ye gato Yefun Yesus syogat mu wa ben An bi suk-i tepsu An mo bur ré.} Yerasul ge musyu dik sop we ne gum anare:

Lukas 6:13 ပူးပေါင်းရင်းမြစ်များ

Matius 10:2

Ye gato Yefun Yesus bes tepsu An bi yerasul gum do, ketke Simon (gato ye kendo do Petrus) sisu an bi nji Andreas, Yakobus sisu bi nji Yohanes gato yenggras Zebedeus bi gan we ne;

Matius 19:28

Yefun Yesus ki nai bi pakon do, ”Suk gato Ji ki ré suksangge anare, kam sari ne ma ete suk mwa ne be ete Yetu bi Pa gum Yekwesu gato kok sye wai o re yo, bere nin ge musyu dik sop we gato simo Ji waii gum yekwesu dom. Bere nin ndobot ye Israel bi yewis ge musyu dik sop we mone.

Matius 9:36

An me yé mwa gato sum mone sa, An dakai jimnotku yé mwa ne. An jimnotbot sukye gato yé mwa ne ku ndo nde, we An jam do, yé mwa ne kwabom dek ndo nde, yé mwa ne yo nggi o nde, yé mwa ne sino tepsu suksi sato domba, sarewo ye yo mewa án nde, ye yo kadum os gato ndo wa yé mwa ne nde.

Markus 6:30

Yefun Yesus bi pakon ge musyu dik sop we ne gato An bes gum yerasul satu ma kadit nat bok yo gato án mu mone. Pakon ne ku Yefun Yesus sa, án sum wairi wa Yefun Yesus, ete pakon ne nuk subot suk mwa gato án mu ben ne si suk gato án duno nje su ne nai Yefun Yesus jam.

Markus 6:7

Yefun Yesus kendo bi pakon ge musyu dik sop we ne ma, ete An syogat An bi pakon gewe-gewe mubot nat ne. Yefun Yesus syo suktinggi nai pakon ne subere án nggiwa syun semda wé kadit ye gato semda ben ne.

Lukas 11:49

Yefun Allah jam suk mwa ne sino, sane anato An ki do, ’Bere Ji syogat yenabi deyo si yerasul deyo gwat Ji bi suktaru ma, wo bere yé gu deyo kwop, deyo o yé ben sukye nai.’

Lukas 22:30

Bere kam sari ne ma mo pe gato Ji jowa yé bok ne sino, nin sisu Ji, nin si Ji kem mone. Men git sino mo pe gato Ji fro wa yekwesu ne. Nin gum yekwesu, sane bere nin ndobot ye Israel bi yewis ge musyu dik sop we mone.”

Lukas 6:14

Simon gato Yefun Yesus syo gum dik yo do Petrus, sisu an bi nji Andreas, Yakobus sisu bi nji Yohanes, Filipus, Bartolomeus,

Yohanes 4:33

Sane An bi pakon ndo mo yu do, ”Ye deyo gwat sugit syo nai An git bado?”

Suk Gato Yerasul Ben Ne 1:13

Án mu kom mo Yerusalem, án mu mo nu gato án kem mone. Án it mo gumwak mo nim. Yerasul gato kem mone gum do, Petrus, Yohanes, Yakobus, Andreas, Filipus, Tomas, Bartolomeus, Matius, Yakobus (gato Alfeus bi pa), Simon (gato sok mo yekweke), si Yudas (gato Yakobus bi pa).

Efesus 2:20

Yefun Allah bi suktaru gato yerasul si yenabi ki ne anato tepsu i-ke wa men. Suktaru ne ben sato pondasi mo nu dik yo, ete Yesus Kristus anato tepsu jok gato nggi wai wa jom nu ne.

Efesus 4:11

An anato syo suktinggi bok yo nai men yetu mo bur ré subere men nggiwa ós An bi rus-i sato ré: deyo An bes gum yerasul gato ben Yesus Kristus bi suk-i win An mo bur ré; deyo o An bes gum yenabi gato gwat Yefun bi suktaru ma; deyo o An bes wa mu ki sukdu subot Yesus Kristus; deyo o An bes gum yekwesu wa mewa An bi rus-i; deyo o An bes gum yeguru wa duno An bi rus-i.

Ibrani 3:1

Sane ji bi nji, ji bi nyanggon, nin si men sino anato yé gato Yefun Allah nai sok mo An bi rus-i. Sane men nutbot Yefun Yesus sisu ndo o et. Yefun Allah syogat Yesus Kristus gwat Yefun bi sukdu ne ma wa men tepsu Yekwesu gato gum kok wai mo Yefun Allah bi nu. An sa, tepsu yegweswai wa men si Yefun Allah gato men onyar kem mó.

2 Petrus 3:2

Ji iwa nin napawa sukduno gato nyim neya Yefun Allah tarubot An bi yenabi wa nin ne. Sane dom ji iwa nin napawa sukduno gato Kristus men bi Yekwesu gato kak os wa men kem ndo to kapyo mato kapyo ne tarubot yerasul wa nin ne.

Wahyu 12:1

Orete suk yo gato ben yé yeket ndo nde bor mo gu. Suk ne ben sato tepsu sukamno. Nggon ge dik yo pis kam su tepsu nggon pis san pis. Nggon ne ak gwes tak we mo aina. Nggon ne bom yekwesu bi topi mo mom su. Topi ne bi bí musyu dik sop we mone.

Wahyu 18:20

Nin yé mwa ne sino gato kem mo gu ne, nin mit at, we Yefun syo sukye nai kota Babel, kota ne ibit it. Nin yé gato onyar kem mo Yefun Yesus e, nin yerasul e, nin yenabi e ne, nin sino mit at, we Yefun Allah syo sukye nai nje mo kota ne tepsu sukibit gato yé mone ben ket nin re.

Wahyu 21:14

Ye ben ros syo mo jok sye musyu dik sop we yu. Mo jok bok ré ye krom Domba Gan bi yerasul ge musyu dik sop we ne gum mó.