Lukas 6:11 - Abun Scripture

¹¹ Yeguru agama si ye Farisi me suk gato Yefun Yesus ben mone sa, án on sa ndo nde. Sane án ki nai yu do, ”Men meret os sa u subere men ben sukye nai Ye ré ne?” Kadit kam gane, yeguru agama si ye Farisi meret os wa Yefun Yesus.

Lukas 6:11 ပူးပေါင်းရင်းမြစ်များ

Matius 16:7

Pakon ne nutbot suk gato Yefun Yesus ki ne, ete pakon ne ki nai yu do, ”Yefun Yesus ki sukdu subot ye Farisi si ye Saduki bi bibit roti-i, we men yo gwat roti nde bayok.”

Matius 21:45

Yekwesú mo Yefun Allah bi nu si ye Farisi jam sukamno bok yo gato Yefun Yesus ki ne sa, án jam do, Yefun Yesus kiket án.

Lukas 4:28

Yé mwa gato mo nu ari mit jam Yefun Yesus bi sukdu subot yewis yi sa, yé mwa mone maskwa ndo nde.

Lukas 6:10

Yefun Yesus sokbot yé mwa mone, orete Yefun Yesus ki nai ye gato syim út ne do, ”Nan ron nan syim et!” Ye ne ron an syim sa, an syim gato út ne ndo satu.

Lukas 6:12

Kam dik yo o, Yefun Yesus mu it mo bobuk dik yo wa An ki suk su Yefun Allah mone. An ki suk su Yefun su noru ne sor, kom mo nombrak.

Yohanes 11:47

Sane yekwesú mo Yefun Allah bi nu si ye Farisi kendo ye Yahudi bi yepasye si yekwesu gato sum sino wa kibot sukdu, subere án sino sum wa án kibot Yefun Yesus. Yekwesú si ye Farisi ki do, ”Men ben suma ne? Ye ne kadum Yefun Allah bi suktinggi bor, An ben suk mwa bor gato ben men yeket.

Yohanes 7:1

Orete Yefun Yesus mubot peyo-peyo mo bur Galilea. An yo mu mo bur Yudea nde, we An jam do, ye Yahudi mone meret os wa gu Yefun Yesus kwop wé.

Suk Gato Yerasul Ben Ne 26:11

Wam bok yo ji mubot ye Yahudi bi nu ari wa ji ben sukye nai ye gato onyar kem mo Yefun Yesus. Ji wergat án subere án misyar Yefun Yesus, ete kiket Yefun Yesus gum ibit. Ji on sa ket án sane, ji mubot kota Yerusalem sor nde, wo ji mu mo kota yi mo bur yi subere ji ben sukye nai án mone dom.”

Suk Gato Yerasul Ben Ne 4:15

Yepasye ne syogat an we mu mo nden yei, sane sor yepasye kibot sukdu or et.

Suk Gato Yerasul Ben Ne 4:19

Yepasye ne ki sane or sa, Petrus si Yohanes ki do, ”Yenggras, nin dakai nut subot suk gato ndo wa men ben ne. Kwa u anato tepsu Yefun Allah mit ne, men jammo nin bi sukdu-i anato ndo bado, men jammo Yefun Allah bi sukdu-i anato ndo e?

Suk Gato Yerasul Ben Ne 5:33

Yepasye mwa ne jam Petrus bi sukdu-i sa, án on sa ndo nde. Sane án iwa gu yerasul bok ne kwop wé,

Suk Gato Yerasul Ben Ne 7:54

Yepasye mwa gato sum mone jam suk gato Stefanus ki ne, orge án maskwa, án on sa ket Stefanus ndo nde.

2 Timotius 3:9

Sane án yo kom mo pe yo nde, bere yé mwa ne misyar án o re, we bere yé mwa ne jam rer do, án jam nde suk, tepsu yé mwa suga nyim tuya jam rer do Yanes si Yambres jam nde suk, ete yé misyar an we dom.