Lukas 5:8 - Abun Scripture

⁸ Simon (gato gum yo o do Petrus) me boge mwa gato án but ne sa, Simon tu an umsu mo Yefun Yesus gwem, orete an ki nai Yefun Yesus do, ”Yenggras, Nan mu kadit ji et, we ji gum yo tep wa ji karowa Nan nde, ji ré anato ye gato ben sukibit.”

Lukas 5:8 ပူးပေါင်းရင်းမြစ်များ

Matius 17:6

Yefun Yesus bi pakon ka gri ne jam sukdu ne sa, án ka gri nyu ndo nde, án ka gri bare nggwa mo bur, án sem án gwem mu bur.

Matius 2:11

Án sok mo nu mit sa, án ku Pa ne si Pa bi im gato Maria. Án ku Pa ne, or án tu án umsu, orete án som pa ne. Sane án nai suk gato bi sugum sye sato emas e, kemenyan sisu mur ete syo wa Pa.

Matius 8:8

Orete yesukmise bi yesu ki do, ”Nan yo mu nde. Ji damen teker wa Nan ma mo ji bi nu. Wo Nan syogat suki ne titi wé kadit ji bi pakwerut, Nan ki kadit pe gato Nan ti more sor re, we ji jam do, Nan ki suk more, bere ji bi pakwerut motu ge re.

Lukas 5:7

Boge gato án but ne mwa yé re, sane án ef syim nai án bi yesyim mo kwem doyi ne ma ós án su boge mwa ne. Án bi yesyim mbros kwem ne ma or, án sino tik boge si mwi ne ma, án wat boge mwa ne mo kwem we ne mit. Boge ne mwa yé re, sane kwem we ne ses ware, karowa kru rok.

Lukas 5:9

Simon ki sukdu ne, we Simon si an bi yesyim bok ne sino yeket boge mwa gato án but su mwi gado ne.

Yohanes 11:32

Maria mu kom mo pe gato Yefun Yesus ti mone, ete mom ku Yefun Yesus sa, mom tu mom umsu mo Yefun Yesus gwem. Maria ki do, ”Yenggras, Nan si men more sa, bere ji bi nji yo kwop nde.”

1 Korintus 13:12

Sane dom Yefun bi suk-i gato men jam su ré anato tepsu men me men gen mo cermin gato yo ndo nde, sane men me men gen yo rer teker nde, wo kapyo tak bere men jam Yefun bi suk-i ne rer mone tó. Su ré men jam suk ne napyo sor re, wo kapyo tak, bere men jam suk mwa ne sino rer kom mo mit kai, tepsu Yefun Allah jam suk mwa ne sino subot ji dakai.

Wahyu 1:17

Ji sokme An sa, ji bare ji nggwa mo An gwem tepsu ji kwop re. Orete An ak An syim ge mo ji, ete An ki do, ”Nan nyu nde! Ji anato ut suk kadit ketke ete jom suk mwa ne sane sor kom mo pe gato or mó.