Lukas 5:7 - Abun Scripture

⁷ Boge gato án but ne mwa yé re, sane án ef syim nai án bi yesyim mo kwem doyi ne ma ós án su boge mwa ne. Án bi yesyim mbros kwem ne ma or, án sino tik boge si mwi ne ma, án wat boge mwa ne mo kwem we ne mit. Boge ne mwa yé re, sane kwem we ne ses ware, karowa kru rok.

Lukas 5:7 ပူးပေါင်းရင်းမြစ်များ

Markus 4:36

Yefun Yesus si An bi pakon mu kadit yé mwa ne mo em de. Yefun Yesus kem mo kwem mit ne tó, sane An bi pakon mbros kwem si An mu kadit pe ne. Ye yi mu su án bi kwem-i dom, án sino mu re.

Lukas 5:6

Simon si ye gato si an mbros kwem mu mo nat gato kru, ete án bare mwi mone. Án bare mwi mone sa, án but boge mwa yé teker ware, mwi ne karowa toko rok.

Lukas 5:8

Simon (gato gum yo o do Petrus) me boge mwa gato án but ne sa, Simon tu an umsu mo Yefun Yesus gwem, orete an ki nai Yefun Yesus do, ”Yenggras, Nan mu kadit ji et, we ji gum yo tep wa ji karowa Nan nde, ji ré anato ye gato ben sukibit.”

Suk Gato Yerasul Ben Ne 11:25

Orge Barnabas mu kadit kota Antiokhia. An mu mo kota Tarsus. An meret Saulus mone.

Galatia 6:2

Men ós yu, men sam ye yi bi kwede su an et. Sukye gato ye yi ku, men ós an su et. Men ben suk sane anato tepsu Yesus Kristus bi sukduno-i ne.

Filipi 4:3

Sane dom, ji ndek mo Sunsugus do, ”Nan si ji ben Yefun Yesus bi suk-i sino mó re, ji onyar kem mo nan. Sane Sunsugus, ji ndekwa nan tepsu yegweswai wa nggon we ne et, we nggon we ne si ji ben suk sino, men ki sukdu subot os ndo gato Yesus Kristus kak ne nai ye yi jam re.” Sugane an we wergat nggwa wa ós ji ki subot sukdu ne. An we sor nde, wo Klemens si yetu ge bok yo ós ji ki subot sukdu ne. Yé bok gane, Yefun Allah krom án gum mo An bi Buku Yegesyos re.