Lukas 5:38 - Abun Scripture

³⁸ Men ben sane nde, wo men sye nau anggur be mo sukbo be, subere nau si bi sukbo ne sino kem ndo.

Lukas 5:38 ပူးပေါင်းရင်းမြစ်များ

Matius 9:17

Sane dom, men yo sye nau anggur be mo sukbo gato rok nde, we i-su tut mo mit, ete bere sukbo ne pet anato ben sukbo ibit, orete nau ne sye kadit re. Sane bere suk we ne, gato nau si sukbo ne ibit sino re. Men ben sane nde, wo men sye nau anggur be mo sukbo be, subere nau si bi sukbo ne sino kem ndo.” {Sane Yefun Yesus bi sukduno be ne, men fros su sukduno rok nde.}

Lukas 5:37

Sane dom, men yo sye nau anggur be mo sukbo gato rok nde, we i-su tut mo mit, ete bere sukbo ne pet anato ben sukbo ibit, orete nau ne sye kadit re. Sane bere suk we ne, gato nau si sukbo ne ibit sino re.

Lukas 5:39

Sane dom, ye gato jam da nau anggur gato rok, bere an bariwa da nau anggur gato be. An ki do, ’Nau anggur gato rok ne ndo wai kadit nau anggur gato be.’ ” {Sane Yefun Yesus bi sukduno be ne, men fros su sukduno rok nde.}

2 Korintus 5:17

Sane men si Yesus Kristus tepsu dik it yo, men anato ye gato be o re. Men yo simo os ibit saga nyim ne o nde, wo men simo os be mo suk mwa ne sino o re.

Galatia 2:4

Sarewo ye deyo werwa ye bi sunat Titus. Yé ne ben kidar do, án si men ye gato onyar kem mo Kristus tepsu dik sino, sarewo án mit-i tara kadit men mit-i re. Án syeret os wa jam suk gato men ben ne kom mo mit. Men yo jambot sukduno gato rok ne o nde, we men sok mo Yesus Kristus bi rus-i. Sane án syeret os wa jam suk gato ben anato men yo jambot sukduno gato rok ne o nde. Yé ne iwa meret os subere tik men sino brek satu ma tepsu pakwerut wa sukduno rok ne o re.

1 Timotius 4:8

Men wergat men dakai subere men kaim budat nggi wai o yo, da ndo, sarewo men wergat men dakai subere men nggiwa men ben Yefun Allah bi suk-i anato ndo wai kadit ne o re. Men nggiwa ben Yefun Allah bi suk-i, sane bere kak os ndo wa men su kam gato men kem mo bur ré si kam sari ne ma sino.

Wahyu 21:5

Orete Yefun Allah gato kem mo An bi kursi sye ne ki do, ”Su ré, Ji ben suk mwa ne sino be it!” An ki nai ji o do, ”Sukdu gato Ji ki ré sangge, sukdu ne tep wa yé onyar kem pe mó, sane nan krom et!”