Lukas 5:30 - Abun Scripture

³⁰ Sarewo ye Farisi si yeguru agama bok yo gato sok mo ye Farisi bi det-i, án nut do, suk gato Yefun Yesus ben ne ibit. Sane án ndo mo Yefun Yesus bi pakon do, ”Suma ben anato nin si ye gato nai sugum kadit nje wa pemerintah si ye gato gum ibit ré git sugit sino sare ne?”

Lukas 5:30 ပူးပေါင်းရင်းမြစ်များ

Matius 5:46

Sane nin ben sukndo su ye gato ben sukndo su nin sor re, bere Yefun syo sukndo nai nin wa suma ne? Ye gato nai sugum kadit nje wa pemerintah da ben sukndo su ye gato ben sukndo su an, sarewo an ben sukibit su yé mwa.

Matius 9:11

Ye Farisi me Yefun Yesus si yé ga sare git sugit sino sa, án ndo mo Yefun Yesus bi pakon ne do, ”Suma ben anato nin bi yeguru iwa si ye gato nai sugum kadit nje wa pemerintah si ye gato gum ibit ré git sugit sino sare ne?”

Markus 2:16

Yeguru agama gato sok mo ye Farisi bi det-i, án me Yefun Yesus si ye gato nai sugum kadit nje wa pemerintah si ye gato ye ki án gum ibit ne git sugit sino sa, yeguru ne ndo mo Yefun Yesus bi pakon do, ”Suma ben anato nin bi yeguru si ye gato nai sugum kadit nje wa pemerintah si ye gato gum ibit ré git sugit sino sare ne?”

Markus 7:3

Ye Farisi si ye Yahudi mwa ne sino jom án bi amui bi sukduno-i ne krat tó. Sagana án yo git sugit nde tó, án mus án syim nyim wé tepsu án bi amui bi sukduno-i ne.

Markus 9:16

Yefun Yesus ndo mo An bi pakon yi mone do, ”Nin si yeguru agama duwer yu mo suma ne?”

Lukas 18:11

Ye Farisi ti mone, an ki suk su Yefun Allah, sarewo an ki subot an dakai sare do, ’Ndo mo Yefun Allah, Nan, we ji yo ben sukibit sato ye yi nde. Ji yo gro sye wa suk nde, ji yo syimsi suk nde, ji yo kidar suk nde, ji yo ben siri su nggon yo mo nde. Yé mwa ne ben suk sane, wo ji yo ben suk sane nde. Ji ki ndo mo Yefun Allah, Nan, we ji ré yo ben sukibit tepsu ye gato nai sugum kadit nje wa pemerintah gato ti reya nde.

Lukas 19:7

Yé mwa gato mone me Yefun Yesus mu sem mo Zakheus bi nu sa, án maskwa, án ki nai yu do, ”Mban! Yefun Yesus mu sem mo ye gato ben sukibit mwa ré bi nu-i anare go!”

Lukas 5:17

Kam dik yo Yefun Yesus duno nje sa, ye Farisi si ye Yahudi bi yeguru agama ma mone dom. Án ma kadit kampung mwa mo bur Galilea si bur Yudea sino, si kota Yerusalem dom. Án ma kem mo nu mit, ete án syaretwa Yefun Yesus ki bi sukdu-i ne. Yefun Allah syo An bi suktinggi nai Yefun Yesus, subere Yefun Yesus nggiwa ben ye gato i mone ge.

Lukas 5:21

Ye Farisi si ye Yahudi bi yeguru agama gato kem mone, án jam Yefun Yesus bi sukdu, ete án sino nut mo án mit do, ”Ye gare dakai bes An nggwa kok, ete An ki suk tepsu Yefun Allah ko re go! Je u anare ne? Je u anato nggiwa an ki do, sukibit gato men yetu ben ne, or wé kadit men ne? Yefun Allah ka dik sor, wo Ye ré bes An nggwa kok tepsu Yefun Allah!”

Lukas 7:34

Yetu bi Pa to Ji ré ma sa, Ji git e, Ji da nau ete yé ki Ji do, ’Ye ré git sugit mwa ndo nde, An rim An syokwa kwo, An yenau, An bi yesyim mo yé gato gum ibit sato yé gato nai sugum kadit nje wa pemerintah e neya.’

Lukas 7:39

Ye Farisi gato kendo Yefun Yesus ma git mo an bi nu ne, an me suk gato nggon ne ben sa, an nut mo an mit do, ”Ye ré tepsu yenabi sangge yo, ye ré, ye gato jam suk rer yo, bere An jam do, nggon gato rot An, nggon ne anato nggon gato ben suksiri mwa.”

Suk Gato Yerasul Ben Ne 23:9

Yepasye bok ne saiye ket yu, ete yeguru agama ge bok yo gato sok mo ye Farisi. Án ti án duwer ye Saduki mone nggi sare do, ”Men nut do ye gare yo ben sukibit yo mo nde. Malaikat e, aboksye e ne do ki suk su an yo, sukibit anane nde.”