Lukas 5:24 - Abun Scripture

²⁴ Sangge, bere Ji ben ye ré ge. Ji ben ye ré ge subere nin jam do, Ji anato nggiwa Ji ki do, sukibit gato yé mwa ne ben or kadit yé mwa ne dom. Ji ben ye ré ge anato nin jam do, Yefun Allah anato bes Yetu bi Pa to Ji ré.” Sane Yefun Yesus ki nai ye gato út ne do, ”Ji ki sare do, nan sun, nan pam nan bi sun. Nan satu mu mo nan bi nu sor.”

Lukas 5:24 ပူးပေါင်းရင်းမြစ်များ

Matius 16:13

Yefun Yesus ma kom mo bur gato karowa kota Kaisarea Filipi sa, An ndobot An bi pakon do, ”Yé mwa neya kibot Yetu bi Pa to Ji ré te, yé kibot Ji sa u ne?”

Matius 25:31

”Su kam gato Ji, gato Yetu bi Pa, ma su Yefun Allah bi suktinggi ne tepsu nin yetu bi Yekwesu, bere Ji sisu Ji bi malaikat ma sino. Ji gum kok sye wai o re, Ji kem mo Yekwesu bi kursi gato ndo yé re.

Matius 26:64

Yefun Yesus ki do, ”Sangge, suk gato nan ki ne sangge. Sane sor nde, wo Ji ki nai nin sare do, bere nin me Yetu bi Pa to Ji ré kem tak Yefun Allah gato nggi wai ne de syim ge, ete bere Ji satu is ma mo bur ré su nyotem kadit gu.”

Matius 28:18

Orete Yefun Yesus ma karowa pakon ne, ete An ki do, ”Yefun Allah bes ji gum tepsu Yekwesu mo gu nim si bur ré sino.

Matius 4:24

Yé ki sukdu subot Yefun frekbot bur Siria sino, sane yé gwat yé mwa gato i ne ma mo An. Yé gwat nje gato i su suki wisyo-wisyo e, nje gato kaim yó wai o re e, nje gato semda bok nggwa mó, nje gato semda ben e, nje gato út e ne, ete Yefun Yesus ben nje mwa ne sino ge re.

Matius 9:6

Sangge, bere Ji ben ye ré ge. Ji ben ye ré ge subere nin jam do, Ji anato nggiwa Ji ki do, sukibit gato yé mwa ne ben or kadit yé mwa ne dom. Ji ben ye ré ge anato nin jam do, Yefun Allah anato bes Yetu bi Pa to Ji ré.” Sane Yefun Yesus ki nai ye gato út ne do, ”Nan sun, nan pam nan bi sun. Nan satu mu mo nan bi nu sor.”

Lukas 5:13

Yefun Yesus bes An syim, ete syimtok ye ne sa, Yefun Yesus ki do, ”Ji iwa, nan ge tom!” Yefun Yesus do ki or-i, ye ne ge-i, an kaim ndo satu re.

Lukas 5:18

Yefun Yesus ki sukdu mo nu mit sa, yé bok yo ma mo nu ne. Yé bok ne gwat ye gato gwes út su bi kwatka gato an sem mone ma. Yé ne syeret os wa án gwat ye gato út ré sok mo nu mit, subere án grem ye gato gwes út mo Yefun Yesus gwem. Yé bok ne werwa sok mo nu mit,

Lukas 5:23

Sato Ji ki nai yebris ré do, ’Sukibit mwa gato nan ben ne, or kadit nan it anare.’ Nin nut do Ji yo nggiwa Ji ki suk ne nde bado? Sato Ji ki do, ’Nan sun, nan mu se!’ Te, nin nut do Ji yo nggiwa ben suk ne dom nde e? Sane nde, bere nin jam do, Ji nggiwa benbot sukdu kwa we ne sino.

Lukas 7:14

Orge Yefun Yesus mu karowa yé gato sam yekri ne, ete Yefun Yesus syimtok kwatka gato yé grem pa yemsok mukri mone. Yefun Yesus syimtok kwatka ne sa, yé gato sam kwatka ne ti not, ete Yefun Yesus ki do, ”Pa nji, Ji ki nai nan do, nan sun se!”

Lukas 8:54

Yefun Yesus sok mo nu mit, orete Yefun Yesus jom pa ne syim, ete Yefun Yesus ki do, ”Pa donggon, nan sun tom!”

Yohanes 11:43

Yefun Yesus ki sukdu su Yefun Allah, orete An saiye do, ”Lazarus, nan syesyar tom!”

Yohanes 17:2

Nan bes Ji gum Yekwesu wa Ji jom yetu mwa ne sino mo bur ré re, subere yé mwa ne sino gato Nan syo nai Ji ne, Ji ós án kem gesyos.

Yohanes 3:13

Yetu yo it mu mo gu nim yo mo nde. Wo Yetu bi Pa to Ji ré sa, Ji is kadit gu ma mo bur ré re.

Yohanes 5:27

Yefun Allah bes Ji gum kok wa Ji ndobot yetu, we Ji anato gum do Yetu bi Pa.

Suk Gato Yerasul Ben Ne 14:10

Sane, Paulus ki nggi nai ye ne do, ”Nan ti su nan gwes se!” Sugane it, ye ne yak ti, ye ne muket an gwes.

Suk Gato Yerasul Ben Ne 5:31

Yefun Allah bes Yefun Yesus gum Yekwesu gato nggiwa jowa men yetu. Yefun Allah bes Yefun Yesus gum Yekwesu gato An syogat ma kak os ndo wa men yetu subere men ku os wa men kem ndo to kapyo mato kapyo. Yefun Allah bes Yefun Yesus gum Yekwesu subere men ye Israel ku os wa men kwet kadit sukibit gato men ben ne, ete men jammo Yefun, subere Yefun Allah yo maskwa men mo sukibit gato men ben ne o nde, tepsu An tot sukibit ne wé kadit men re.

Suk Gato Yerasul Ben Ne 9:34

Petrus ki nai Eneas do, ”Eneas, Yesus Kristus ben nan ge it. Nan sun, nan pam nan bi sun et.” Sugane it, Eneas sun re.

Suk Gato Yerasul Ben Ne 9:40

Petrus syogat án sino mu nden kadit gumwak ne. Orete Petrus tu an umsu, an ki suk su Yefun. An ki suk su Yefun, orete an sokwa Dorkas mukri, ete an ki do, ”Dorkas, nan sun se!” Dorkas gro rek it anane. Dorkas gro rek, mom me Petrus, mom sun, mom kem.

Wahyu 1:13

Mo suk gato ka sa dem sor ne miten ji me yetu ge dik yo ka sato Yetu bi Pa. An it san gato syu kom mo An gwes tak. An far san emas mo An tunap.