Lukas 5:21 - Abun Scripture

²¹ Ye Farisi si ye Yahudi bi yeguru agama gato kem mone, án jam Yefun Yesus bi sukdu, ete án sino nut mo án mit do, ”Ye gare dakai bes An nggwa kok, ete An ki suk tepsu Yefun Allah ko re go! Je u anare ne? Je u anato nggiwa an ki do, sukibit gato men yetu ben ne, or wé kadit men ne? Yefun Allah ka dik sor, wo Ye ré bes An nggwa kok tepsu Yefun Allah!”

Lukas 5:21 ပူးပေါင်းရင်းမြစ်များ

Matius 26:65

Sugane yekwesu gato gum kok wai mo Yefun Allah bi nu ne maskwa ndo nde anato yekwesu ne syik an dakai bi san, ete an ki do, ”Ye ré dakai bes An nggwa kok tepsu Yefun Allah, ete An ki suk tepsu Yefun Allah ko ré go! Men yo mitwa ye yi yo ma ki sukdu subot An o nde. Men sino dakai jam An kiket Yefun Allah gum ibit it.

Matius 9:3

Orete yeguru agama bok yo mone nut mo án mit do, ”Mban! Ye ré dakai bes An nggwa kok tepsu Yefun Allah, ete An ki suk tepsu Yefun Allah ko ré go!”

Lukas 3:8

nin ben suk gato ndo sor, subere yé jam do, sangge, nin kwet kadit sukibit gato nin ben ne, ete nin jammo Yefun it. Nin nut do, nin bi amui mo Abraham, {anato Yefun Allah iwa nin, sane bere Yefun Allah nai nin kadit sukye, bado? Sane nde. Nin nut sane bere siri re.} Ji ki sare do, Yefun Allah nggiwa ben jok bok ré tepsu Abraham bi dat-i. Sane nin dom tepsu Abraham bi dat-i, bere yo ós nin nde.

Lukas 5:17

Kam dik yo Yefun Yesus duno nje sa, ye Farisi si ye Yahudi bi yeguru agama ma mone dom. Án ma kadit kampung mwa mo bur Galilea si bur Yudea sino, si kota Yerusalem dom. Án ma kem mo nu mit, ete án syaretwa Yefun Yesus ki bi sukdu-i ne. Yefun Allah syo An bi suktinggi nai Yefun Yesus, subere Yefun Yesus nggiwa ben ye gato i mone ge.

Lukas 5:22

Yefun Yesus jam án bi sukjimnut ne, sane Yefun Yesus ki do, ”Suma ben anato nin bi sukjimnut waiyu mo nin mit subot suk gato Ji ki ré ne?

Lukas 7:49

Ye gato kem git sugit si Yefun Yesus deyo mone ki nai yu do, ”Ye ré anato ku gum sa u anato An nggiwa An ki do, sukibit mwa gato nggon ne ben or wé kadit nggon ré ne?”

Yohanes 10:33

Ye Yahudi ki nai Yefun Yesus do, ”Men am Nan su jok mo sukndo mwa gato Nan ben ne nde, wo Nan kiket Yefun Allah gum ibit anato men am Nan su jok ré. Nan yetu sor re, ete Nan bes Nan nggwa kok teker, Nan ki do, Nan anato tepsu Yefun Allah, sane anato men am Nan su jok it anare.”

Roma 8:33

Men yé gato Yefun Allah fro suga nyim wa men sok mo An bi rus-i ne te, bere je u anato nggiwa ki men gum ibit mone ne? Mo nde, wo Yefun Allah dakai ki do, men tep wa men sok mo An bi rus-i.