Lukas 5:2 - Abun Scripture

² Yefun Yesus ti mone sa, An me kwem we mo em de. Ye gato sok boge, án bi kwem anane. Án is kadit án bi kwem re, ete án mus án bi mwi mone.

Lukas 5:2 ပူးပေါင်းရင်းမြစ်များ

Matius 4:18

Yefun Yesus muket Em Galilea de sa, An sokme yetu ge we gato sok boge. An we yedik. Pa dosye ne gum do Simon (gato ye kendo do Petrus). Pa dowok ne gum do Andreas. An we bare mwi mo em ne. Kamdik-kamdik an we sok boge subere an we ku sugum.

Matius 4:21

Yefun Yesus mu kadit pe ne, orete An me yetu ge we yo o. An we yedik. An we ne gum do Yakobus si Yohanes. An we ne bi ai gum do Zebedeus. An we si bi ai fro bi mwi mo kwem mit. Yefun Yesus ma sa, Yefun kendo an we ma simo Yefun.

Markus 1:16

Wam dik yo Yefun Yesus mubot Em Galilea de. Yefun Yesus mu mone saresa, An me yetu ge we gato bare mwi mo em ne. Yetu ge we ne gum do, Simon si bi nji dowok Andreas. Kamdik-kamdik an we ne sok boge wa an we ku sugum. Yefun Yesus me an we mone,

Markus 1:19

Yefun Yesus mubot em de ne, Yefun Yesus muket em de ne ko gan yo o, ete Yefun Yesus me yetu ge we yo o. Yetu ge we ne gum do, Yakobus si bi nji Yohanes, án ka we anato Zebedeus bi gan. An we fro an we bi mwi mo kwem mit.

Lukas 5:1

Yefun Yesus mubot bur Yudea ne sa, wam dik yo Yefun Yesus ti mo Em Genesaret de. An ti mone saresa, yé mwa ma ete buk yu gat Yefun Yesus. Yé mwa ne iwa jam Yefun Allah bi suktaru gato Yefun Yesus ki ne.

Lukas 5:3

Sane Yefun Yesus it mo kwem dik yo, An it mo Simon bi kwem ne. Yefun Yesus it mo kwem ne, orete An ki nai Simon do, ”Nan dun kwem ko gan kadit em de et.” Simon dun kwem ne, orete Yefun Yesus kem mo kwem mit, ete Yefun Yesus duno yé mwa gato ti mo em de ne.

Yohanes 1:40

Pa we gato jam Yohanes ki sukdu, ete simo Yefun Yesus, ge dik yo gum do Andreas, gato Simon Petrus bi nji.