Lukas 5:17 - Abun Scripture

¹⁷ Kam dik yo Yefun Yesus duno nje sa, ye Farisi si ye Yahudi bi yeguru agama ma mone dom. Án ma kadit kampung mwa mo bur Galilea si bur Yudea sino, si kota Yerusalem dom. Án ma kem mo nu mit, ete án syaretwa Yefun Yesus ki bi sukdu-i ne. Yefun Allah syo An bi suktinggi nai Yefun Yesus, subere Yefun Yesus nggiwa ben ye gato i mone ge.

Lukas 5:17 ပူးပေါင်းရင်းမြစ်များ

Matius 11:5

ye gato gro ndu, gro ndo satu; ye gato gwes út, mu ndo satu; ye gato i su suki borbuk, ge, án kaim ndo satu; ye gato dabe mbut, án dabe rer satu; ye gato kwop, mbau satu; ye gato yewa suk, án jam sukdu subot os ndo gato Yefun Allah fro wa yetu ne.

Matius 15:1

Ye Farisi ge bok yo si yeguru agama ge bok yo ma kadit Yerusalem mu ku Yefun Yesus, ete án sino ndobot Yefun do,

Markus 1:45

Yefun Yesus da ki nai ye ne, sarewo ye ne mu nuk sukdu ne nai yé mwa mo peyo-peyo, subere yé mwa mone jam. Sane Yefun Yesus yo ku os wa An sok mo kampung bok yo mone nde, we yé mwa mone jam suk gato Yefun Yesus ben ne, ete yé mwa ne iwa ku An. Sane Yefun Yesus mu sem mo nden, mo pe gato yé yo mo nde. Sarewo yé mwa kadit pe bok ne sino ma meret An petok gat sor.

Markus 16:18

Kapre yé ne syimtok siri is kwis gato bi ri mó, ete kwis jau án, bere án yo kwop nde. Yé ne da siri is mut, da siri is kwe kri e suk yo sane, bere án yo kwop nde. Án do ak syim mo ye gato i yo, bere ye gato i ne ge kadit bi suki ne re.”

Markus 3:22

Yeguru agama bok yo gato ma kadit kota Yerusalem, án waii ki do, ”Beelzebul gen pet mo Ye ré anato An nggiwa syun semda wé kadit nje. Beelzebul gato biris bi yekwesu ne anato syo suktinggi nai An.”

Markus 5:30

Nggon ne rot Yefun Yesus bi san nap sa, sugane Yefun Yesus jam do, An bi suktinggi syesyar kadit An kaim it anane. Sane Yefun Yesus brek sokme yé mwa ne, ete An ndo mo nje mone do, ”Je u anato rot Ji bi san ne?”

Markus 7:1

Ye Farisi ge bok yo gato duno nje su Musa bi sukduno-i si yeguru agama ge bok yo gato ma kadit Yerusalem, án ma, án sum wairi wa Yefun Yesus.

Lukas 15:2

Ye Farisi si yeguru agama me Yefun Yesus ki sukdu su ye gato gum ibit ne sa, ye Farisi si yeguru ne kiket Yefun Yesus, án ki do, ”Bei! Ye ré ma nuk sukdu su ye gato gum ibit ré. Ye ré kak An mit wa ye gato ben sukibit ré, ete An si yé ne git sugit sino dom.”

Lukas 2:46

An we meret Pa mone sor kom mo kam gri rek or. Kam gri rek, orete an we ku an we bi Pa mo Yefun Allah bi nu de mo ros de mit, mo pe gato yeguru agama duno nje. Pa kem su ye Yahudi bi yeguru. Pa syaretwa yeguru ki bi sukdu-i, Pa ndo yeguru subot kwayo-kwayo dom.

Lukas 5:21

Ye Farisi si ye Yahudi bi yeguru agama gato kem mone, án jam Yefun Yesus bi sukdu, ete án sino nut mo án mit do, ”Ye gare dakai bes An nggwa kok, ete An ki suk tepsu Yefun Allah ko re go! Je u anare ne? Je u anato nggiwa an ki do, sukibit gato men yetu ben ne, or wé kadit men ne? Yefun Allah ka dik sor, wo Ye ré bes An nggwa kok tepsu Yefun Allah!”

Lukas 5:30

Sarewo ye Farisi si yeguru agama bok yo gato sok mo ye Farisi bi det-i, án nut do, suk gato Yefun Yesus ben ne ibit. Sane án ndo mo Yefun Yesus bi pakon do, ”Suma ben anato nin si ye gato nai sugum kadit nje wa pemerintah si ye gato gum ibit ré git sugit sino sare ne?”

Lukas 6:19

Yé mwa mone werwa án rot Yefun Yesus, we án me Yefun Yesus bi suktinggi bor mone, án me Yefun Yesus ben yé mwa gato i ge kadit án bi suki ne.

Lukas 7:30

Sarewo ye Farisi si yeguru agama sino bariwa Yefun Allah bi os-i, án bariwa án jammo Yefun Allah bi sukdu, anato án bariwa Yohanes ras án mo syur.

Lukas 8:46

Sarewo Yefun Yesus ki do, ”Yetu ge dik yo rot Ji, we Ji jam do, Ji bi suktinggi syesyar kadit Ji kaim it.”

Yohanes 3:10

Yefun Yesus ki do, ”Nan anato yeguru mo Israel, sane suma ben anato nan jam nde suk gare ne?

Yohanes 3:21

Wo ye to ben suk gato ndo yo, an iwa simo rer bi suk-i, subere rer ku an, ete yé mwa jam do suk mwa gato an ben ne, an ben tepsu Yefun Allah mit.

Suk Gato Yerasul Ben Ne 19:11

Yefun Allah ben Paulus nggiwa ben suk gato ben yé mwa ne sino yeket ndo nde.

Suk Gato Yerasul Ben Ne 4:30

Sane dom, Nan ben men nggiwa men ki Yefun Yesus gum mo ye gato i, subere ye ne ge. Nan ben men nggiwa men ki Yefun Yesus gum mo suk mwa neya subere kadum Nan bi suktinggi ne bor, subere yé mwa ne sino yeket ete nutbot ndo nde, sane sor yé jam do, suk ne ma kadit Yefun Yesus, Nan bi pakwerut gato Nan bes wa ben Nan bi suk-i.”

Suk Gato Yerasul Ben Ne 5:34

sarewo yepasye ge dik yo gato gum do Gamaliel ti mo yepasye ne gwem ete ki an bi sukdu-i. An ye Farisi, an yeguru gato duno ye Yahudi subot Musa bi sukduno. Yé mwa ne sino un yenggras ne. Yenggras ne ti, an nukbot bi sukdu-i nde tó, yenggras ne syogat ye gwat yerasul bok ne mu nden yei.