Lukas 5:10 - Abun Scripture

¹⁰ Ye we gato si Simon ben suk sino, Yakobus si Yohanes, gato Zebedeus bi gan we ne, an we yeket boge mwa ne dom. Orge Yefun Yesus ki nai Simon do, ”Nan nyu nde. Su ré yo, bere nan but yetu tepsu nan but boge.”

Lukas 5:10 ပူးပေါင်းရင်းမြစ်များ

Matius 13:47

”Sane dom, Yefun Allah nai yetu sok mo An bi rus-i ne yo, bere tepsu sukamno ré: Yé bok yo gato sok boge bare án bi mwi mo em, ete án but boge wis mwa su mwi.

Matius 14:27

Wo sugane Yefun Yesus ki nai án do, ”Nin nyu nde. Ji ré anato Yesus. Nin nokwa Ji nde.”

Matius 20:20

Orete Zebedeus bi nggon si bi pa ge we ma ku Yefun Yesus. Án tu án umsu mo Yefun Yesus gwem, orete án ndekwa Yefun Yesus ós án su suk yo.

Matius 4:19

Yefun Yesus ki nai an we do, ”Nin ka we ma. Nin ka we simo Ji se! Bere Ji duno nin ka we but yetu tepsu nin ka we but boge su mwi ne.”

Matius 4:21

Yefun Yesus mu kadit pe ne, orete An me yetu ge we yo o. An we yedik. An we ne gum do Yakobus si Yohanes. An we ne bi ai gum do Zebedeus. An we si bi ai fro bi mwi mo kwem mit. Yefun Yesus ma sa, Yefun kendo an we ma simo Yefun.

Markus 1:17

ete Yefun Yesus ki nai an we do, ”Nin ka we ma. Nin ka we simo Ji se! Bere Ji duno nin ka we but yetu tepsu nin ka we but boge su mwi ne.”

Lukas 5:7

Boge gato án but ne mwa yé re, sane án ef syim nai án bi yesyim mo kwem doyi ne ma ós án su boge mwa ne. Án bi yesyim mbros kwem ne ma or, án sino tik boge si mwi ne ma, án wat boge mwa ne mo kwem we ne mit. Boge ne mwa yé re, sane kwem we ne ses ware, karowa kru rok.

Lukas 5:9

Simon ki sukdu ne, we Simon si an bi yesyim bok ne sino yeket boge mwa gato án but su mwi gado ne.

Lukas 6:14

Simon gato Yefun Yesus syo gum dik yo do Petrus, sisu an bi nji Andreas, Yakobus sisu bi nji Yohanes, Filipus, Bartolomeus,

Yohanes 21:2

Simon Petrus si Tomas gato yé kendo do, pakwa ne, si Natanael gato bi nat-i mo Kana mo Galilea, si Zebedeus bi gan ge we si Yefun Yesus bi pakon ge we yo o, án ge mufit sum mo em de ne.

Suk Gato Yerasul Ben Ne 2:4

Sane Yefun Allah Gen bok nggwa mo yé mwa ne, orge yé mwa ki suk su ye yi neya bi a-i, gato án jam nde, we Yefun Allah Gen anato ben yé mwa ne ki suk su ye yi bi a-i ne.

2 Korintus 8:23

Titus anato ji bi yesyim gato si ji ben suk sino wa ós nin. Ye we gato si an mu ne, yé gato onyar kem mo Yefun Yesus mo nu ari bok yo anato bes ete syogat ye we ne mu. Ye we ne mu wa bes Yesus Kristus gum kok mo suk gato an we ben ne.

2 Timotius 2:26

Men duno an sisu njep subere an jam nggwa, ete an simo sukduno gato sangge, subere an titi fro wé kadit biris bi yekwesu gato but an wa ben biris bi suk-i ne.