Lukas 4:5 - Abun Scripture

⁵ Orge biris bi yekwesu gwat Yefun Yesus mu mo pe gato kok. Biris bi yekwesu ne kadum pe mwa ne sino mo bur ré nai Yefun Yesus me, tepsu Yefun Yesus me or sino sare ya sor re.

Lukas 4:5 ပူးပေါင်းရင်းမြစ်များ

Matius 24:14

Bere ye ki sukdu subot os ndo gato Yefun Allah fro wa men yetu subere Yefun Allah nai men gum sok mo An bi rus-i, ete An tepsu men bi Yekwesu mone. Sukdu gato ndo ne, bere yé ki frek subot yewis mwa mo bur ré or sino, eteyo bere bur ré kru it anane.”

Matius 4:8

Or o biris bi yekwesu ne gwat Yefun Yesus mu mo banbo gato kok wai, ete an kadum pe mwa gato ndo mo bur ré nai Yefun me o re.

1 Korintus 15:52

Tepsu gato trompet ba wari kai, bere men gensu Yefun Allah win men kaim kekro tepsu men gro minyap sare ge or re, we trompet ba it yo, Yefun Allah sun yé gato kwop nyim neya mbau satu su kaim gato gesyos re. Sugane dom men sino kaim tara or re, bere men kaim gesyos dom re.

1 Korintus 7:31

Men yé gato ben suk su suk mwa mo bur ré it yo, men ben men nggwa tepsu ye gato bi sukjimnut sye mo suk mwa ne nde, we yo nam nde ge, suk mwa neya mo bur ré, bere kru or re.

2 Korintus 4:17

Sukye wokgan gato men ku su ré, su kam sari ne ma bere kak os wa gwat men mu kem mo pe gato gesyos gato ndo wai o re. Sane men kem mo bur ré yo, men nut do, sukye gato men ku ne, suk yo nde, we bere men kem gesyos mone tó.

Efesus 2:2

Kamdik-kamdik nin ben sukibit, nin simo bur ré bi suk-i sor. Nin jammo yekwesu ge dik gato jom suktinggi ibit gato ok muya-muma subot bur ré re. Su ré, suktinggi ibit ne anato jom yé gato bariwa jammo Yefun Allah bi sukduno-i ne.

Efesus 6:12

Yeko gato ma wa gu men ne, án yetu nde, wo yeko ne anato suk gato i-mok mó gato werwa jom yetu mo bur ré sato: yerom e, aboksye e, malaikat ibit gato bi suktinggi mo gu nim ne si bur ré e ne. Biris mwa ne sino iwa meret os wa ben men brek wé kadit Kristus bi os-i.