Lukas 4:23 - Abun Scripture

²³ Yé mwa yeket Yefun Yesus mone, sane Yefun Yesus ki nai yé mwa ne do, ”Ji jam do, bere nin ki sukamno dik yo nai Ji sare do, ’Yewon bam, nan dakai kwa nan dakai ge sor.’ Sane suk gato men jam ye nukbot mo Kapernaum ne gato ben yé yeket mone, Nan waii ben mo Nan bi nat-i more dom et.”

Lukas 4:23 ပူးပေါင်းရင်းမြစ်များ

Matius 13:54

Yefun Yesus kom mo An dakai bi nat-i, nat gato An sye mone sa, An duno nje mo ye Yahudi bi nu ari. Yé mone yeket Yefun Yesus, án ndo do, ”Ye ré ku suktinggi wa jam suk mwa ete ben suk gato ben men yeket ré kadit u ne?

Matius 4:13

Yefun Yesus mu kadit kota Nazaret, ete An mu kem mo kota Kapernaum mo Em Galilea de mo Zebulon si Naftali bi bur det-i.

Matius 4:23

Yefun Yesus mubot bur Galilea. Yefun duno nje mo ye Yahudi bi nu ari mo kampung bok yo mone. Yefun Yesus ki sukdu subot os ndo gato Yefun Allah fro wa nai men yetu gum sok mo An bi rus-i, ete An tepsu men bi Yekwesu mone. Sane dom, Yefun Yesus ben nje gato i ne ge kadit suki wisyo-wisyo.

Markus 6:1

Yefun Yesus mu kadit nat ne, ete An si An bi pakon satu mu mo Yefun Yesus dakai bi nat-i.

Lukas 2:39

Yusuf si Maria benbot suk mwa gato yé krom mo Yefun Allah bi sukdu mo Yerusalem ne, orete an we satu mu mo an we bi kota Nazaret mo bur Galilea.

Lukas 2:51

Orge Yefun Yesus simo An bi im si an bi ai satu mu mo Nazaret, ete An jammo An bi im si an bi ai petok sor. An bi im napawa suk mwa gato Yefun Yesus ben ne pe.

Lukas 4:16

Yefun Yesus mu mo An bi nat-i gato An sye mó, mo kota Nazaret. Kam Sabat, ye Yahudi bi kam sye ne, Yefun Yesus sok ari mo ye Yahudi bi nu ari sagana An ben ne. Mo nu ari mit ne, Yefun Yesus ti wa An baca Yefun Allah bi sukdu sa,

Lukas 4:31

Orete Yefun Yesus mu mo kota Kapernaum mo bur Galilea. Ye Yahudi bi kam sye, kam Sabat, ete Yefun Yesus duno nje mone.

Lukas 4:35

Sane, Yefun Yesus ndantom semda ne do, ”Nan not se! Nan titi wé kadit ye ne tom!” Yefun Yesus ndantom semda ne sa, semda am ye ne ges gwa mo bur mo yé mwa gwem, orete semda titi wé kadit ye ne. Semda ne titi wé sa, semda yo gu ye ne kaim yó nde re.

Lukas 6:42

Nin ki nai nin bi nji do, ’Pa nji, ji kwa sukkwik kadit nan gro et.’ Sarewo kwemuk gato yawa nin dakai gro-i ne nin yo me nde wa suma ne? Nin tepsu ye gato ki suk su nin syokwet wik ko re go! Nin nai kwemuk ne wé kadit nin dakai gro-i et, subere nin gro-i rer, orete nin kwa sukkwik ne wé kadit nin bi nji gro-i ne.”

Yohanes 4:28

Sane nggon ne grem mom bi sukbo gato mom en syur su ne kwop, ete mom satu mu mo kota. Mom mu kom mo kota sa, mom ki nai nje mone do,

2 Korintus 5:16

Sane men nut subot yetu su yetu bi sukjimnut-i ne o nde. Tomgato nyim neya men da nutbot Kristus tepsu yetu nutbot An do, An yetu sor re, wo su ré men nutbot An su yetu dakai bi sukjimnut-i ne o nde.