Lukas 4:22 - Abun Scripture

²² Yé mwa mone sino un Yefun Yesus gum. Yé mwa mone yeket Yefun Yesus mo An bi sukdu ne. Yé ne ki do, ”An ki An bi sukdu-i ndo wai o re.” Orete yé ne ndo mo yu do, ”Ye gare te, An anato Yusuf bi gan, fe? {Ben sa u anato An ki An bi sukdu-i ndo teker sare ne?}”

Lukas 4:22 ပူးပေါင်းရင်းမြစ်များ

Lukas 2:47

Yé mwa mone gato syaretwa Pa ki bi sukdu-i ne yeket. Yé mwa ne yeket Pa do, Pa jam suk mwa. Suk gato yeguru ndo mo Pa ne, Pa jam or re.

Lukas 2:48

Pa bi im si bi ai ku an we bi Pa sa, an we yeket, we Pa si yeguru bok yo kem mone, ete Pa bi im ki nai Pa do, ”Yesus, Nan ben sukye wa men ka we ré wa suma ne? Ji si Nan bi ai meret Nan ware, men ka we kwabom dek bot nan ndo nde go!”

Lukas 21:15

We, bere Ji anato ós nin ki sukdu gato ndo nai ye gato ndobot nin ne. Ji ós nin jam suk subere ye gato maskwa nin yo duwer nin mo suk gato nin ki ne nde. Bere ye gato maskwa nin yo ku os wa iswen nin mo sukdu gato nin ki ne nde.

Lukas 4:21

Yefun Yesus kem mone sa, An ki do, ”Yefun Allah bi sukdu gato Ji baca wa nin jam ne bor mo Ji sugato nin jam sukdu ne it.”

Yohanes 1:45

Filipus mu ku yetu ge dik yo o gato gum do Natanael, ete Filipus ki nai Natanael do, ”Men ku Ye gato kam nyim tuya Musa krombot mo Yefun bi sukduno ne re. Men ku Ye gato yenabi dom krombot ne re. An anato Yusuf bi pa gato gum do Yesus. An ma kadit kota Nazaret.”

Yohanes 6:42

Ye Yahudi ne ki do, ”Ye ré, An anato Yusuf bi pa, gato gum do Yesus fe! Men jam An bi im si bi ai re. Ben sa u anato An ki do, An is kadit gu ma ne?”

Yohanes 7:46

Ye gato mewa Yefun Allah bi nu ne ki do, ”Ye ne ki bi suk-i ndo yé. An bi sukdu ne tik men mit ware, men yo but An nde.”

Suk Gato Yerasul Ben Ne 6:10

sarewo Stefanus ki bi sukdu-i ndo wai kadit án sino, we Stefanus ku suktinggi kadit Yefun Allah Gen ete ki bi sukdu-i ne tepsu ye gato jam suk mwa.

Titus 2:8

Nan duno nje yo, nan bok sukdu kwa gato ibit dom nde, subere ye gato meret os wa duwer nan ne damen, we án yo ku os wa ki men gum ibit mo suk yo mo nde.