Lukas 4:17 - Abun Scripture

¹⁷ yetu ge dik yo syo yenabi Yesaya bi buku nai Yefun Yesus wa An baca mone. Yefun Yesus kak buku ne sa, An ku sukdu gato Yesaya krom sare do,

Lukas 4:17 ပူးပေါင်းရင်းမြစ်များ

Lukas 16:29

Orge Abraham ki nai yepasye ne do, ”Sukduno gato Musa si yenabi bok ne krom ne wai mó re. Nan bi nji jammo sukduno ne sor re.”

Lukas 20:42

We Daud dakai krom mo buku Mazmur do, ’Yefun Allah Ye gato gesyos ki nai ji bi Yekwesu do, Nan kem tak Ji de syim ge.

Lukas 4:16

Yefun Yesus mu mo An bi nat-i gato An sye mó, mo kota Nazaret. Kam Sabat, ye Yahudi bi kam sye ne, Yefun Yesus sok ari mo ye Yahudi bi nu ari sagana An ben ne. Mo nu ari mit ne, Yefun Yesus ti wa An baca Yefun Allah bi sukdu sa,

Lukas 4:18

”Yefun Allah Gen bok nggwa mo Ji, we Yefun Allah bes Ji wa Ji ki subot An bi suktaru gato ndo nai ye gato yewa suk jam An bi sukdu ne. An syogat Ji ma wa Ji ki nai yé gato ye rai ne do, ’Ji sombok nin wé kadit sukibit gato jom nin ne it!’ An syogat Ji ma wa Ji ós ye gato gro ndu, subere Ji ben án gro ndo satu. An syogat Ji ma wa Ji nai ye gato ku sukye wé kadit sukye ne subere án kem ndo satu.

Lukas 4:20

Yefun Yesus rum buku ne satu or, An syo satu nai yesu mo nu ari ne, orete An kem satu subere An duno nje mone. Yé mwa mo nu ari mit ne sokwa An pe, yé mwa eswa Yefun Yesus ki bi sukdu-i.

Suk Gato Yerasul Ben Ne 13:15

Mo nu ari ne, ye baca sukdu mo Musa si yenabi bok yo o bi buku, orge yekwesu mo nu ari ne syogat ye mu ki sukdu nai Paulus si bi yesyim ne do, ”Ji bi nji, nin bi sukduno yo wa ós men more it yo, nin ki mó et.”

Suk Gato Yerasul Ben Ne 13:27

Sarewo ye gato kem mo Yerusalem si an bi yekwesu ne sino jam nde Yefun Allah bes Yefun Yesus kak os ndo ne wa men. Yé mwa gane da jam yenabi bi sukdu subot Yefun Yesus gato ye baca su ye Yahudi bi kam sye kam Sabat ne petok sor, sarewo yé jam nde re, wo yé syokom ye gu An kwop anato yenabi bi sukdu ne bor mone re.

Suk Gato Yerasul Ben Ne 7:42

Sane Yefun Allah misyar men bi amui or re. Yefun Allah misyar án som suk sato bí mo gu e neya. Men bi amui som suk daret sane tepsu sukdu gato Yefun Allah tarubot yenabi gato krom mo bi buku sare do, ’Ye Israel, tomgato nin kem mo pe gato kwe yo kom mo nde, kom mo tahun musyu at, nin yo gu suge wa som Ji su nde, nin yo som Ji su suksom yo mo nde, wo nin som suk yi neya gato nin bes win Ji su suksom sor re.