Lukas 4:15 - Abun Scripture

¹⁵ Yefun Yesus duno nje mo ye Yahudi bi nu ari mo bur Galilea ne, ete yé mwa ne sino un An mo suk gato An ben ne.

Lukas 4:15 ပူးပေါင်းရင်းမြစ်များ

Matius 13:54

Yefun Yesus kom mo An dakai bi nat-i, nat gato An sye mone sa, An duno nje mo ye Yahudi bi nu ari. Yé mone yeket Yefun Yesus, án ndo do, ”Ye ré ku suktinggi wa jam suk mwa ete ben suk gato ben men yeket ré kadit u ne?

Matius 4:23

Yefun Yesus mubot bur Galilea. Yefun duno nje mo ye Yahudi bi nu ari mo kampung bok yo mone. Yefun Yesus ki sukdu subot os ndo gato Yefun Allah fro wa nai men yetu gum sok mo An bi rus-i, ete An tepsu men bi Yekwesu mone. Sane dom, Yefun Yesus ben nje gato i ne ge kadit suki wisyo-wisyo.

Matius 9:35

Sane Yefun Yesus mubot kota si kampung bok ne sino. An duno nje mo ye Yahudi bi nu ari. An ki sukdu subot os ndo gato Yefun Allah fro wa nai men yetu gum sok mo An bi rus-i, ete An tepsu men bi Yekwesu mone. Yefun Yesus ben ye gato i ne ge kadit suki wis bok ne sino.

Matius 9:8

Yé mwa mone me suk gato Yefun Yesus ben ne sa, án sino yeket, ete án un Yefun Allah, we Yefun Allah syo suktinggi nai yetu wa ben suk sane.

Markus 1:27

Yé mwa mone me suk gato Yefun Yesus ben ne, án yeket, án nutbot ndo nde, ete án ki nai yu do, ”Bei! Suma ré ne? Sukduno be yo bado? Ye gare ki bi sukdu-i pet mo nje it. Ye gare bi suktinggi nggi wai kadit semda dom. Ye gare ndantom semda yo, semda jammo An, ete titi kekro.”

Markus 1:39

Sane Yefun Yesus mu ki subot Yefun Allah bi sukdu mo bur Galilea sino. Yefun Yesus duno nje mo ye Yahudi bi nu ari mone. An syun semda wé kadit ye gato semda ben ne dom.

Markus 1:45

Yefun Yesus da ki nai ye ne, sarewo ye ne mu nuk sukdu ne nai yé mwa mo peyo-peyo, subere yé mwa mone jam. Sane Yefun Yesus yo ku os wa An sok mo kampung bok yo mone nde, we yé mwa mone jam suk gato Yefun Yesus ben ne, ete yé mwa ne iwa ku An. Sane Yefun Yesus mu sem mo nden, mo pe gato yé yo mo nde. Sarewo yé mwa kadit pe bok ne sino ma meret An petok gat sor.

Lukas 13:10

Kam Sabat, ye Yahudi bi kam sye, ete Yefun Yesus duno nje mo ye Yahudi bi nu ari dik yo.

Lukas 4:16

Yefun Yesus mu mo An bi nat-i gato An sye mó, mo kota Nazaret. Kam Sabat, ye Yahudi bi kam sye ne, Yefun Yesus sok ari mo ye Yahudi bi nu ari sagana An ben ne. Mo nu ari mit ne, Yefun Yesus ti wa An baca Yefun Allah bi sukdu sa,