Lukas 3:9 - Abun Scripture

⁹ Wo nin ré tepsu kwe gato yo bo ndo nde. Su ré yo, Yefun Allah fro bi mbam wa gwa kwe ga sane wé, Yefun Allah gwa mo i-brot kai sor. Yefun Allah fro wa syo sukye nai ye gato yo kwet nde, tepsu ye gwa kwe gato yo bo nde ne, orete ye syo bot git wé re.”

Lukas 3:9 ပူးပေါင်းရင်းမြစ်များ

Matius 3:10

Wo nin ré tepsu kwe gato yo bo ndo nde. Su ré yo, Yefun Allah fro bi mbam wa gwa kwe gato sane wé, Yefun Allah gwa mo i-brot kai. Yefun Allah fro wa syo sukye nai ye gato yo kwet nde, tepsu ye gwa kwe gato yo bo nde ne, orete ye syo bot git wé re.

Matius 7:19

Kwe gato yo bo ndo nde, bere ye gwa wé, ete ye gre mo bot.

Lukas 13:6

Orge Yefun Yesus gwat sukamno dik yo sare do, ”Yetu ge dik yo jan nak ke dik mo nggwe gur mit. Kam dik yo ete ye ne ma me nak ne bo mó bado bo yo mo nde. An do ma sa, an yo ku nak bo yo mo nde.

Lukas 13:7

Sane ye ne ki nai ye gato mewa nggwe ne do, ’Tahun bok yo ji ma meret nak bo ware, ji yo ku nak bo yo mo nde. Men jan nak ré kom wa suma ne? Sa ndo sa, men gwa wé sor.’

Lukas 13:9

Men me do tahun dik ne ma, bo it yo, ndo it, men misyar dakai kom sor. Wo men me do yo bo nde yo, men gwa nak ne wé sor.’ ”

Yohanes 15:6

Ye to yo ut krat mo Ji tepsu dik nde yo, ye ne tepsu kweguk gato yé tot, ete yé am wé. Bere kweguk ne gu, ete yé sum wa yé gre mo bot wé.

Ibrani 10:28

Suga nyim tuya, yetu ge we yo, ge gri yo ma ki sukdu tepsu yu subot suk gato yetu ge dik yo ben siri kadit Musa bi sukduno-i ne sa, bere yepasye mone nai sukjimnut do, ye gane ben suk siri it anane, ete ye gu ye ne kwop mone sor, yepasye ne yo jimnotku ye ne wokgan dom nde.

Ibrani 12:29

we men yo jammo An nde yo, bere Yefun Allah gato jom men ne anato tepsu bot sye gato git men.