Lukas 3:16 - Abun Scripture

¹⁶ Yohanes ki nai yé mwa mone sino do, ”Ji anato ras nin mo syur, sarewo bere Ye gato gum kok sye wai kadit ji waii ma bori. Sane ji iwa ben suk wa An yo, bere ji yo tepsu nde, ji gum wok teker mu bur ware. Bere ji gum yo tep wa ji sombok jamtu mo An bi sepatu dom nde. Ye gato gum kok sye wai kadit ji ne bere An syogat Yefun Allah Gen bok nggwa mo nin, ben sato An ras nin mo Yefun Allah Gen, tepsu An ras nin mo bot.

Lukas 3:16 ပူးပေါင်းရင်းမြစ်များ

Matius 3:11

Ji anato ras nje mo syur tepsu bi sukjimnut do, ye ne kwet kadit os ibit it. Wo bere Ye yo gato gum kok sye wai kadit ji waii ma bori. Ji gum yo tep wa ji jom An bi sepatu nde. Ji gum wok teker mu bur ware. Ye gato gum kok sye wai kadit ji ne, bere An syogat Yefun Allah Gen bok nggwa mo nin, ben sato An ras nin mo Yefun Allah Gen, tepsu An ras nin mo bot.

Matius 3:12

An fro nggwa wa An wat yé gato ben sukndo kadit yé gato ben sukibit, tepsu ye gato ben nggwe wat sugit dor kadit sukkwik. Sugit ne An grem mo pe gato ndo, wo sukkwik ne An syo bot git wé, mo bot gato yo te mo nde.”

Yohanes 1:26

Yohanes ki nai án do, ”Ji anato ras nin mo syur sor re. Sarewo Yetu ge dik yo o ma si nin kem more sino mó re, wo nin jam nde An re.

Yohanes 1:27

Ye ne anato ma boribot ji, sarewo An gum kok sye wai kadit ji. Sane ji iwa ben suk wa An yo, bere ji yo tepsu nde, ji gum wok teker mu bur ware. Bere ji gum yo tep wa ji sombok jamtu mo An bi sepatu dom nde.”

Yohanes 1:33

Nyim ne, ji dakai jam An nde tó, sarewo Yefun Allah gato syokom ji ras nje mo syur ki nai ji suga nyim tuya wé re do, ’Bere nan me Yefun Allah Gen is kadit gu ma bur ete tom mo yetu ge dik it yo, Ye ne anato bere ras yetu mo Yefun Allah Gen.’

Yohanes 7:38

Ye gato onyar kem mo Ji ne anato tepsu sukdu gato yé krom mo Yefun bi sukdu sare do, ’Kadit an mit syur it tepsu syur nggrup ete syesyar mu nden. Syur ne ben yetu mbau.’ ” (

Suk Gato Yerasul Ben Ne 1:5

Yohanes ras nin mo syur, sarewo kam we yo, kam gri yo, Yefun Allah bere syogat Yefun Allah Gen bok nggwa mo nin, ben sato Yefun Allah ras nin mo Yefun Allah Gen anane.”

Suk Gato Yerasul Ben Ne 10:44

Petrus nuk sukdu saresa, Yefun Allah Gen bok nggwa mo yé mwa gato jam sukdu ne.

Suk Gato Yerasul Ben Ne 2:33

Yefun Allah bes Yefun Yesus kem tak Yefun Allah de syim ge. Yefun Yesus si Yefun Allah jom suk mwa neya tepsu Yekwesu sino mone. Yefun Allah syo An Gen bok nggwa mo Yefun Yesus tepsu Yefun Allah tom ne. Sane, Yefun Yesus waii syo Yefun Allah Gen bok nggwa mo men, anato men ki suk su a mwa neya ré, nin dakai jam ete nin me su nin gro re. Yefun Yesus sa, An it su An kaim mu mo gu tepsu Yekwesu,

1 Korintus 12:13

Ben sato men tepsu Kristus kaim, we men sino, kapre men ye Yahudi e, yewis yi e, kapre men pakwerut e, men yé gato dakai ti mo men dakai e, Yefun Allah Gen gato bok nggwa mo men ne anato ben men tepsu Kristus kaim dik ne sor. Men sino men jam Yefun Allah Gen dik ne bok nggwa mo men pe re.