Lukas 3:12 - Abun Scripture

¹² Ye gato nai sugum kadit nje wa pemerintah ge bok yo ma mo Yohanes, subere Yohanes ras án mo syur. Orge án ndo mo Yohanes do, ”Yeguru, men ben suk sato suma ne?”

Lukas 3:12 ပူးပေါင်းရင်းမြစ်များ

Matius 5:46

Sane nin ben sukndo su ye gato ben sukndo su nin sor re, bere Yefun syo sukndo nai nin wa suma ne? Ye gato nai sugum kadit nje wa pemerintah da ben sukndo su ye gato ben sukndo su an, sarewo an ben sukibit su yé mwa.

Lukas 18:13

Sarewo ye gato nai sugum kadit nje wa pemerintah ne, an ti ko gan kadit ye Farisi ne. An yo sok mu nim mo gu nde, an nggo an tunap, we an nderku an nggwa mo sukibit mwa gato an ben ne. An ki do, ’Yefun Allah o, ji anato ye gato ben sukibit mwa. Nan maskwa ji o nde, wo Nan jimnotku ji et.’ ”

Lukas 3:10

Yé mwa ne ndo mo Yohanes do, ”Sane, men ben suk sato suma ne?”

Lukas 3:13

Yohanes ki do, ”Nin mu nai sugum kadit nje yo, nin nai sugum tepsu pe gato pemerintah fro ne, nin nai wai kadit ne nde.”

Lukas 7:29

Yé mwa ne sino gato syaretwa sukdu gato Yefun Yesus ki subot Yohanes ne, ye gato nai sugum kadit nje wa pemerintah dom, yé mwa ne sino nut do, ”Sukdu ne sangge. Yefun Allah bi os wa men ndo wai, anato men brek ma kadit os ibit gato men simo ne it, ete men ma mo Yohanes wa an ras men mo syur mó re.”

Suk Gato Yerasul Ben Ne 2:37

Yé mwa jam Petrus bi sukdu-i ne or sa, án kwabom kro, án ki nai Petrus si yerasul yi neya do, ”Sane men bi nji, men ben suma ne?”