Lukas 3:10 - Abun Scripture

¹⁰ Yé mwa ne ndo mo Yohanes do, ”Sane, men ben suk sato suma ne?”

Lukas 3:10 ပူးပေါင်းရင်းမြစ်များ

Lukas 3:12

Ye gato nai sugum kadit nje wa pemerintah ge bok yo ma mo Yohanes, subere Yohanes ras án mo syur. Orge án ndo mo Yohanes do, ”Yeguru, men ben suk sato suma ne?”

Lukas 3:14

Yesukmise bok yo ma mo Yohanes dom. Yesukmise ne ndo mo Yohanes do, ”Men ré, men ben suk sato suma ne?” Yohanes ki nai yesukmise bok ne do, ”Nin wergat nje nde, nin ben nje nyu subere yé syo sugum nai nin nde. Nin ndak nje daret subere yé nokwa nin ki án gum ibit subere án syo sugum nai nin nde. Sugum gato nin ku tepsu nin bi kamba ne, nin nut do tep it anane, nin wergat ye yi subere nin nai yé ne bi sugum dom nde.”

Lukas 3:8

nin ben suk gato ndo sor, subere yé jam do, sangge, nin kwet kadit sukibit gato nin ben ne, ete nin jammo Yefun it. Nin nut do, nin bi amui mo Abraham, {anato Yefun Allah iwa nin, sane bere Yefun Allah nai nin kadit sukye, bado? Sane nde. Nin nut sane bere siri re.} Ji ki sare do, Yefun Allah nggiwa ben jok bok ré tepsu Abraham bi dat-i. Sane nin dom tepsu Abraham bi dat-i, bere yo ós nin nde.

Suk Gato Yerasul Ben Ne 16:30

Orete an gwat ye we kadit gumwak ne, ete an ndo mo ye we do, ”Yenggras we a, ji ben suma subere Yefun Allah nai ji kadit sukye gato ji ku ré ne?”

Suk Gato Yerasul Ben Ne 2:37

Yé mwa jam Petrus bi sukdu-i ne or sa, án kwabom kro, án ki nai Petrus si yerasul yi neya do, ”Sane men bi nji, men ben suma ne?”

Suk Gato Yerasul Ben Ne 2:38

Petrus ki do, ”Nin kadik-kadik nai sukjimnut do, nin kwet kadit sukibit gato nin ben ne, ete nin jammo Yefun et. Orete nin ma, nin bi nggwa wa men ras nin kadik-kadik mo syur sisu Yesus Kristus gum, tepsu nin gum sok mo Yesus Kristus bi nje-i mone it. Sane bere Yefun Allah yo maskwa nin mo sukibit mwa gato nin ben ne o nde, wo An tot sukibit ne wé kadit nin re. Orete Yefun Allah syo An Gen bok nggwa mo nin.

Suk Gato Yerasul Ben Ne 9:6

Nan ben suk sane o nde, wo ré yo, nan sun nan mu mo kota Damsyik et. Mone yetu ge dik yo bere ki rer nai nan subot suk gato bere Ji syaugat nan ben ne.”