Lukas 24:5 - Abun Scripture

⁵ Sane nggon ne nyu ndo nde, ete án su e mu bur mone. Sane ye we ne ki nai nggon do, ”Nin meret ye gato mbau mo yekwop bi nat-i ré wa suma ne?

Lukas 24:5 ပူးပေါင်းရင်းမြစ်များ

Lukas 1:29

Maria do jam sukdu ne sa, mom jimnutbot, mom nut subot suk gato malaikat ki ne.

Lukas 24:4

Nggon ne ti mone, án nutbot ware, án jam nde koirut re. Nggon ti mone sa, án gensu yetu ge we ma ti karowa nggon re. Yetu ge we ne it san gato nggren ete rup-rek.

Lukas 24:6

Ye gato nin meret ne, An yo more o nde. An mbau re! An sun re! Nin napawa suk gato An ki nai nin, suga nyim nin si An mo Galilea tó. An ki nai nin do,

Suk Gato Yerasul Ben Ne 2:24

sarewo Yefun Allah sun An kadit sukkwop o re. Yefun Allah sombok Yefun Yesus wé kadit sukye gato Yefun Yesus ku mo sukkwop ne, tepsu ye sombok bus wé kadit ye gato ye rai su bus ne. Yefun Allah sombok Yefun Yesus wé, we sukkwop yo nggiwa jom Yefun Yesus pe nde, An sun kadit sukkwop o re.

Ibrani 7:8

Yesu gato ben suk mo Yefun Allah bi nu mo Lewi bi yewis-i ne, ye syo suk napyo nai án, sarewo yo nam nde ge, án kwop re, wo Melkisedek sa, Abraham syo suk napyo nai Melkisedek gato kem gesyos, tepsu ye krom mo Yefun Allah bi sukdu ne.

Wahyu 1:18

Ji anato Ye gato kem gesyos. Ji kwop, sarewo ré ne Ji mbau to kapyo mato kapyo. Ji anato nggiwa Ji sun nje kadit sukkwop. Ji anato nggiwa Ji sun nje kadit Yefun Allah bi gwinggri syo mo bur desnak ne mbau satu.

Wahyu 2:8

Yefun Allah bi Gan ki nai ji do, ”Nan krom sukdu wa malaikat gato mewa yé gato onyar kem mo Yefun Yesus mo nu ari mo kota Smirna sare do: Ji gato ut suk kadit ketke ete jom suk mwa ne kom mo pe gato or mó, Ji gato kwop, orete sun satu o bi sukdu-i anare: