Lukas 24:49 - Abun Scripture

⁴⁹ Bere Ji syogat Yefun Allah Gen ma bok nggwa mo nin, tepsu suk gato Ji bi Ai, Yefun Allah tom ne. Sane nin mu kadit Yerusalem nde, wo nin eswa more sor Yefun Allah Gen ma bok nggwa mo nin, ete nin ku suktinggi mone.”

Lukas 24:49 ပူးပေါင်းရင်းမြစ်များ

Yohanes 14:26

Sarewo Yefun Allah Gen gato Ji bi Ai bere syo ma win Ji ne, bere Yefun Gen duno nin su suk mwa ne sino. Bere Yefun Gen ós nin napawa suk mwa gato Ji ki nai nin re.

Yohanes 15:26

Bere Ji bi Yefun Allah Gen gato ós nin muket os ndo ne ma kadit Ji bi Ai {Yefun Allah}. Bere Yefun Allah Gen bok nggwa mo nin. Bere Yefun Allah Gen duno nin su sukduno gato sangge subot Yefun Allah sor, kwa gato An kidar yo mo nde. Sane Yefun Allah Gen do ma kadit Ji bi Ai it yo, bere An ki rer subot Ji nai nin jam dom.

Suk Gato Yerasul Ben Ne 1:4

Kam dik yo, Yefun Yesus si yerasul ne sum wa git sugit sino sa, Yefun Yesus syaugat yerasul ne do, ”Nin mu kadit Yerusalem nde tó, nin eswa suk gato Ji bi Ai tom do, bere An syo suk yo nai nin mone. Ji ki subot suk ne nai nin mó re.

Suk Gato Yerasul Ben Ne 1:8

wo su kam gato Yefun Gen bok nggwa mo nin, bere nin ku suktinggi wa nin mu ki sukdu subot os be gato Ji kak wa yetu sok mo Yefun Allah bi rus-i. Bere nin mu ki sukdu ne nai nje mo Yerusalem, mo bur Yudea, mo bur Samaria sane sor, kom mo bur ré iwedewe or sino.”

Suk Gato Yerasul Ben Ne 16:7

An we mu kom mo bur Misia sa, an we iwa an we mubot bur Bitinia, sarewo Yefun Yesus Gen duyawa an we ware, an we mu mone nde.