Lukas 24:41 - Abun Scripture

⁴¹ An bi pakon me Yefun Yesus sa, pakon bok ne yeket ndo nde. Pakon me su án gro do, Yefun Yesus sun kadit sukkwop, sane pakon ne iwa wai o re. Sarewo pakon ne bi sukjimnut we mone dom, án nutbot do, sangge, Yefun Yesus dakai anare bado nde e? Sane Yefun Yesus ndo mo án do, ”Te, nin bi sugit yo mo, bado?”

Lukas 24:41 ပူးပေါင်းရင်းမြစ်များ

Markus 16:11

Maria ki bi sukdu nai Yefun Yesus bi yesyim ne do, Yefun Yesus mbau satu re, ete Maria ku Yefun Yesus re, sarewo Yefun Yesus bi yesyim ré yo jammo sukdu ne nde.

Markus 16:13

Pakon ge we ne satu mu kibot sukdu ne nai pakon deyi neya. Sarewo pakon ne yo onyar kem mo sukdu gato an we ki ne dom nde.

Markus 16:14

Kapyo tak o, Yefun Yesus bi pakon ge musyu dik sop dik git sugit sino saresa, Yefun Yesus kadum An nggwa nai An bi pakon ne. Yefun Yesus ndantom An bi pakon ne do, ”Nin yo onyar kem mo Ji nde wa suma ne? Ji sun kadit sukkwop re. Ji kadum Ji nggwa nai yetu ge bok yo, án dakai me su án gro re. Sarewo nin su krat wa yé ne bi sukdu-i wa suma ne?”

Markus 8:7

Yefun Yesus bi pakon bi boge wokgan ge bok yo mó dom. Yefun Yesus ki do, ”Ndo mo Nan, Yefun Allah wa boge gato Nan syo nai men ré.” Ete An syogat An bi pakon syo boge ne nai yé mwa git.

Lukas 24:11

Sarewo Yefun Yesus bi pakon ne nut do, nggon ne ki suk daret, sane Yefun Yesus bi pakon yo jammo nggon bi sukdu ne nde.

Lukas 24:40

Yefun Yesus do ki sukdu ne sa, An kadum An syim tak si An gwes wip nai An bi pakon bok ne me.

Lukas 24:42

Pakon ne syo boge kwas koi nap nai Yefun Yesus.

Yohanes 16:22

Sane nin dom, su ré nin kwabom dek, wo bere Ji ku nin o yo, bere nin mit at wa wai o re, ye yo nggiwa ben nin bi sukjimnut ne ges nde.

Yohanes 21:5

Yefun Yesus ké nai án do, ”Pa o, nin ku boge yo mó e?” Án ki do, ”Mo nde.”

Suk Gato Yerasul Ben Ne 12:14

Rode ne jam Petrus ké sa, mom mit iwa ndo nde sane sor mom yo kak nusyo nde, wo mom kas satu mo nu mit, mom ki nai yé mwa mone do, ”Petrus ma it!”