Lukas 24:4 - Abun Scripture

⁴ Nggon ne ti mone, án nutbot ware, án jam nde koirut re. Nggon ti mone sa, án gensu yetu ge we ma ti karowa nggon re. Yetu ge we ne it san gato nggren ete rup-rek.

Lukas 24:4 ပူးပေါင်းရင်းမြစ်များ

Markus 16:5

Nggon ka gri ne sok mo jokwak mit sa, nggon ne me pa yemsok dik yo gato it san syu gato kwo. Pa yemsok ne kem mo jokwak mit tak de syim ge. Nggon ka gri ne gen mo pa ne.

Lukas 2:9

Su noru ne, án gensu malaikat dik yo ma ku án. Malaikat ne ma sa, tepsu sukru sye gato rer-rik kadit Yefun Allah rer ku bur. Sane yé bok ne sino nyu ndo nde.

Lukas 24:5

Sane nggon ne nyu ndo nde, ete án su e mu bur mone. Sane ye we ne ki nai nggon do, ”Nin meret ye gato mbau mo yekwop bi nat-i ré wa suma ne?

Suk Gato Yerasul Ben Ne 1:10

Yerasul sok mu nim mo gu sane tó, saresa, yerasul gensu yetu ge we gato it san kwo ma ti mo án de.

Suk Gato Yerasul Ben Ne 12:7

Petrus sem mit sa, an gensu Yefun Allah bi malaikat ge dik yo ma. Malaikat ne ben nu mit ne rer. Malaikat ne syimtok Petrus, malaikat ne sun Petrus, or malaikat ki do, ”Nan sun kekro!” Sugane rantai ne sombok wé kadit Petrus syim.

1 Timotius 3:16

Suk gato men krom ré suksangge, men bi sukduno gato nyim neya Yefun Allah gurik ne ndo wai o re, sato ré: Yefun Yesus ma mo bur re, An kaim tepsu yetu kaim. Yefun Allah Gen kadum do, Kristus sa, ben bi suk-i ne sangge sino. Malaikat mwa ne sino me An re. Yé ki sukdu subot An frekbot yetu wisyo-wisyo. Yé mwa mo bur ré iwedewe onyar kem mo An re. An it mo gu nim, mo pe gato ndo wai o re.