Lukas 24:36 - Abun Scripture

³⁶ Pakon ne nuk sukdu saresa, án gensu Yefun Yesus ma si án ti mone sino. Yefun Yesus ti mone, ete Yefun ki do, ”Yefun Allah ete uttok nin sino. Nin nyu nde.”

Lukas 24:36 ပူးပေါင်းရင်းမြစ်များ

Matius 10:13

Yé gato kem mo nu ne do iwa nin si án kem mone yo, nin bi sukdu kwop mone, wo yé gato kem mo nu ne do bariwa nin si án kem mone yo, nin ki do, ’Bere Yefun yo ben sukndo su nin more o nde.’

Markus 16:14

Kapyo tak o, Yefun Yesus bi pakon ge musyu dik sop dik git sugit sino saresa, Yefun Yesus kadum An nggwa nai An bi pakon ne. Yefun Yesus ndantom An bi pakon ne do, ”Nin yo onyar kem mo Ji nde wa suma ne? Ji sun kadit sukkwop re. Ji kadum Ji nggwa nai yetu ge bok yo, án dakai me su án gro re. Sarewo nin su krat wa yé ne bi sukdu-i wa suma ne?”

Lukas 10:5

Nin mu ré, nin kom mo pe dik yo, ete nin sok mo ye yo bi nu mone yo, nin ki do, ’Yefun Allah ete uttok nin mo nu re.’

Yohanes 14:27

Ji syo suktinggi nai nin subere nin kwabom dek nde, wo nin kem ndo tepsu Ji dakai ré. Ji syo suktinggi nai nin wa nin kem ndo. Ji yo syosuktinggi ne tepsu yetu mo bur ré nde. Sane nin nutbot suk mwa teker nde, nin nyu nde.

Yohanes 16:33

Ji ki sukdu mwa ne nai nin jam subere nin kwabom kam mo Ji, ete nin kem not, nin nyuwa suk yo nde. Mo bur ré nin ku sukye mwa. Sarewo Nin nyuwa nde, we Ji sa, Ji nggi wai kadit biris bi rus-i gato ben sukibit mo bur ré re.”

Yohanes 20:26

Ari ga tak, Yefun Yesus bi pakon ne sum satu mo nu ne o. Tomas sisu án mone dom. Pakon ne da gwot nusyo sino krat, sarewo Yefun Yesus ma si án ti mone sino. Yefun Yesus ki nai án do, ”Yefun Allah ete uttok nin. Nin nyu nde.”

Suk Gato Yerasul Ben Ne 1:3

Yefun Yesus kwop or, An kadum nggwa wam bok yo nai yerasul ne kom mo kam musyu at rek. An kadum nggwa sane, yerasul ne jam do, sangge Yefun Yesus mbau satu it. Yerasul ne me Yefun Yesus su án gro. Yefun Yesus ku yerasul, An kibot sukdu su yerasul ne kom mo kam musyu at rek. Yefun Yesus duno yerasul subot suk gato Yefun Allah ben su An bi rus-i gato An jowa tepsu Yekwesu.

1 Korintus 15:5

Or o Kristus ré kadum An nggwa nai Petrus me. Or o An kadum An nggwa nai yerasul musyu dik sop we ne o.

1 Korintus 15:7

Orge An kadum An nggwa nai Yakobus. Or o An kadum An nggwa nai yerasul mwa ne sino.

2 Tesalonika 3:16

Men bi Yekwesu gato ós men kem ndo su yu, An dakai ete ben nin kem ndo su yu mo suk mwa ne sino petok sor. Yefun ete sisu nin sino sor.

Wahyu 1:4

Ji, gato gum do Yohanes, ji krom sukdu ré wa nin, yé gato onyar kem mo Yefun Yesus mo nu ari mufit mo bur Asia. Yefun Allah gato su ré mó, kadit ketke mó, si kam sari ne ma bere mó tó ne, Yefun Allah ete mewa nin. Yefun Allah ete uttok nin petok sor. Yefun Allah Gen ka mufit gato kem mo Yefun Allah bi kursi tak de gwem, Yefun Allah Gen ete mewa nin, Yefun Allah Gen ete uttok nin petok sor.