Lukas 24:30 - Abun Scripture

³⁰ An ka gri kem ga wa án git sugit sa, Yefun Yesus nai roti ma, ete An ki do, ”Ndo mo Nan, Yefun Allah wa roti gato Nan syo nai men ré.” Orge Yefun Yesus syat roti ne, An syo nai ye we re.

Lukas 24:30 ပူးပေါင်းရင်းမြစ်များ

Matius 14:19

Orete Yefun Yesus syogat yé mwa ne kem mo es mo bur, ete An nai roti koi mumek si boge ge we ne. An nai, An sok mu nim mo gu, ete An ki do, ”Ndo mo Nan, Yefun Allah wa sugit gato Nan syo nai men ré.” Orete An syat sugit ne ete syo nai An bi pakon. Pakon ne waii syo nai yé mwa mone git.

Matius 15:36

Orete Yefun Yesus nai roti koi mufit ne si boge, ete An ki do, ”Ndo mo Nan, Yefun Allah wa sugit gato Nan syo nai men ré.” Orete An syat sugit ne, An syo nai bi pakon, ete pakon waii syo nai yé mwa mone git.

Matius 26:26

Yefun Yesus si An bi pakon git sugit saresa, Yefun Yesus nai roti, ete An ki do, ”Ndo mo Nan, Yefun Allah wa roti gato Nan syo nai men ré.” Or o An syat roti ne, An syo nai An bi pakon. An syo nai An bi pakon saresa, An ki do, ”Nin nai nin git sor. Ji ku anare.”

Markus 14:22

Yefun Yesus si An bi pakon git sugit saresa, Yefun Yesus nai roti, ete An ki do, ”Ndo mo Nan, Yefun Allah wa roti gato Nan syo nai men ré.” Or o An syat roti ne, An syo nai An bi pakon. An syo nai An bi pakon saresa, An ki do, ”Nin nai nin git sor. Ji ku anare.”

Markus 6:41

Orete Yefun Yesus nai roti koi mumek si boge ge we ne. An nai, ete An sok mu nim mo gu, An ki do, ”Ndo mo Nan, Yefun Allah wa sugit gato Nan syo nai men ré.” Yefun Yesus ki sane or, Yefun Yesus syat roti ne. An syo nai An bi pakon, ete An bi pakon ne waii syo bot yé mwa mone. Boge ge we ne dom, Yefun Yesus syo nai bi pakon, ete An bi pakon waii syo bot yé mwa mone.

Markus 8:6

Sane Yefun Yesus syogat yé mwa ne kem ga mo bur. Orete Yefun Yesus nai roti koi mufit ne ma, An ki do, ”Ndo mo Nan, Yefun Allah wa roti gato Nan syo nai men ré.” Yefun Yesus ki ndo mo Yefun Allah or sa, An syat roti ne, ete An syo nai An bi pakon wa An bi pakon waii syo nai yé mwa ne git. Sane Yefun Yesus bi pakon benbot suk gato An ki ne.

Lukas 22:19

Orete Yefun Yesus nai roti. An ki do, ”Ndo mo Nan, Yefun Allah wa roti gato Nan syo nai men ré.” Or o An syat roti ne, An syo nai An bi pakon. An syo nai An bi pakon saresa, An ki do, ”Ji ku anare. [Ji syo Ji kaim ma kwop tepsu suktot wa sukibit gato nin ben ne. Sane nin benbot suk gato Ji ben ré subere nin napawa Ji.”

Lukas 24:29

Sane pakon we kigat Yefun Yesus sare do, ”Nan si men kem sino more et. Karowa kam bok it are, bergan noru it.” Sane, Yefun Yesus si an we sok mo nu ne, án sino kem mone.

Lukas 24:35

Pakon ka we jam sukdu ne, or an we nuk subot suk mwa ne sino gato an we ku ne tomgato an we muket os gato mu kadit Yerusalem mu mo Emaus. Or o, an we nuk subot suk gato Yefun Yesus ben ne. Yefun Yesus do syat roti sa, sugane an we jam do, Yefun Yesus anato si an we kem mone it.

Lukas 9:16

Orge Yefun Yesus nai roti koi mumek si boge ge we ne. An nai, ete An sok mu nim mo gu, An ki do, ”Ndo mo Nan, Yefun Allah wa sugit gato Nan syo nai men ré.” Yefun Yesus ki sane or, Yefun Yesus syat roti si boge ne. An syo nai An bi pakon, ete An bi pakon ne waii syo bot yé mwa mone.

Yohanes 6:11

Yefun Yesus nai roti gato pa yebris gwat ne, An nai sa, An ki do, ”Ndo mo Nan, Yefun Allah wa sugit gato Nan syo nai men ré.” Orete Yefun Yesus syobot yé mwa gato kem mone git sino. Orete An nai boge ne dom. Yefun Yesus ki do, ”Ndo mo Nan, Yefun Allah wa boge gato Nan syo nai men ré.” Orete An syobot yé mwa ne git sino. Yé mwa ne git sane sor yé on ge kai.

Suk Gato Yerasul Ben Ne 2:42

Sane ye gato onyar kem mo Yefun Yesus ne werwa án jam yerasul bi sukduno-i si án mit dik án onyar dik, subere án sino jamwa pe. Kamdik-kamdik án mit iwa án sum sino petok sor, án git sino, án git roti wa napawa Yefun Yesus, án ki suk su Yefun sino.

Suk Gato Yerasul Ben Ne 2:46

Kamdik-kamdik án sum sino mo Yefun Allah bi nu de mo ros de mit ne. Án mubot nu, án git sugit sino, án git roti wa napawa Yefun Yesus, án mit iwa, án mit dik wa.

Suk Gato Yerasul Ben Ne 27:35

Paulus ki sane, orge an nai roti, an ki ndo mo Yefun Allah wa roti ne mo yé mwa ne sino gwem. An syat roti ne wa an git.