Lukas 24:27 - Abun Scripture

²⁷ Orge Yefun Yesus ki rer nai pakon ne subot suk gato yé krom mo Yefun Allah bi sukdu subot An dakai. Ketke Yefun Yesus ki subot suk gato Musa krom subot An dakai, ete Yefun Yesus ki subot suk gato yenabi bok ne waii krom subot An ne o.

Lukas 24:27 ပူးပေါင်းရင်းမြစ်များ

Markus 4:34

Yefun Yesus duno yé mwa ne yo, Yefun Yesus duno nje su sukamno sor re. Wo Yefun Yesus si An bi pakon-i wadigan kem yo, An nuk sukamno bi sukjimnut ne sino rer nai An bi pakon jam.

Lukas 24:25

Yefun Yesus ki nai an we do, ”Nin ka we jam nde suk! Suk mwa gato yenabi krom mo Yefun Allah bi sukdu ne, nin bi sukjimnut yo kak wa nin but sukdu ne kekro nde.

Lukas 24:44

Orete Yefun Yesus ki nai pakon ne do, ”Ji kem sisu nin tó, Ji ki nai nin nyim wé do, suk mwa gato yé krom subot Ji mo Musa bi sukdu-i, yenabi bi sukdu-i si Mazmur ne sino, bere bor mo Ji re.”

Yohanes 1:45

Filipus mu ku yetu ge dik yo o gato gum do Natanael, ete Filipus ki nai Natanael do, ”Men ku Ye gato kam nyim tuya Musa krombot mo Yefun bi sukduno ne re. Men ku Ye gato yenabi dom krombot ne re. An anato Yusuf bi pa gato gum do Yesus. An ma kadit kota Nazaret.”

Yohanes 12:41

Yesaya ki sukdu ne, we an jam do, Yefun Yesus gum kok sye wai, orete an kibot Yefun Yesus.

Yohanes 5:37

Sane dom, Ji bi Ai gato syogat Ji ma mo bur ré, An anato ki sukdu rer subot Ji. Wo nin yo jam An ki An bi sukdu-i yo mo nde. Nin yo ku An gro-i yo mo nde.

Yohanes 5:39

Nin samok wa nin baca Yefun Allah bi sukdu petok sor, we nin gendo nin baca yi sor re, bere nin kem ndo to kapyo mato kapyo. Mo sukdu ne Yefun Allah dakai anato ki sukdu rer subot Ji.

Suk Gato Yerasul Ben Ne 10:43

Yenabi mwa ne sino ki sukdu subot Yefun Yesus nai nje jam. Án ki do, ye gato onyar kem mo Yefun Yesus, bere ku os mone subere Yefun Allah yo maskwa ye ne mo sukibit gato an ben ne o nde, Yefun Allah yo nutbot sukibit ne o nde.”

Suk Gato Yerasul Ben Ne 3:18

wo suk gato nin ben ne bor tepsu suktaru gato Yefun Allah tarubot yenabi suga nyim tuya sare do, ”Yekwesu gato ye kendo do Kristus, gato Yefun Allah syogat ma mo bur ré wa nai men yetu wé kadit sukye ete jowa men, Kristus ne bere ku sukye.” Nin anato ben sukye ne nai Yefun Yesus tepsu sukdu gato Yefun Allah tarubot yenabi ne re.

Suk Gato Yerasul Ben Ne 3:22

Yenabi dik yo gato gum do Musa, ki subot Yefun Yesus sare do, ’Yefun Allah bere bes Yenabi ge dik yo gato yewis dik su men, tepsu Yefun Allah bes ji. Suk mwa gato An ki ne nin jamwa pe, nin benbot.

Suk Gato Yerasul Ben Ne 3:24

Musa ki sane sor nde, wo yenabi ne sino kadit yenabi Samuel sor, kom mo yenabi yi neya, án sino frot nai men do, bere Yefun Allah bes Yenabi ge dik yo.

Suk Gato Yerasul Ben Ne 7:37

Musa gato ben suk mwa ne anato Musa gato ki nai ye Israel ne do, ’Yefun Allah bes ji tepsu yenabi gato ma ki An bi sukdu-i nai nin jam. Sane dom, kam sari ne ma, bere Yefun Allah waii bes nin ge dik yo gum yenabi wa ki Yefun Allah bi suktaru nai nin jam.’

Suk Gato Yerasul Ben Ne 8:35

Sane Filipus ki rer subot sukdu ne nai yepasye ne jam, orge Filipus waii ki rer subot os ndo gato Yesus Kristus kak wa men yetu subere Yefun Allah nai men gum sok mo An bi rus-i, Filipus ki rer wa yepasye ne jam dom.

Wahyu 19:10

Ji jam sukdu ne sa, ji bare ji nggwa mo malaikat gwem wa ji bes malaikat ne gum kok, sarewo malaikat ki nai ji do, ”Nan bes ji gum kok nde. Ji si nan tepsu yu, men ka we Yefun Allah bi pakwerut sino. Men ka we si nan bi nji mo Yefun bi rus-i, gato jom Yefun Yesus bi sukdu-i ne pe, men sino tepsu Yefun Allah bi pakwerut. Sane nan bes ji gum kok nde, wo nan bes Yefun Allah gum kok sor re.” We sare, ye gato jom Yefun Yesus bi sukdu-i ne bere Yefun syo suktinggi nai ye ne, subere ye ne nggiwa kibot Yefun Allah bi suktaru-i rer nai ye yi jam.