Lukas 24:19 - Abun Scripture

¹⁹ Yefun Yesus ndo mo an do, ”Suma anato bor mone ne?” An we ki do, ”Yé ben sukye nai Yesus, ye Nazaret ne. Ye ne anato yenabi gato ki sukdu gato Yefun Allah tarubot An nai men. An ki An bi sukdu-i ne pet mo nje. An ben An bi suk-i nggi wai o re. An ben suk gato ben yé mwa yeket. Sane suk mwa gato An ben ne kadum do Yefun Allah sisu An. Yé mwa dom ki do, An ye gato ben sukndo.

Lukas 24:19 ပူးပေါင်းရင်းမြစ်များ

Matius 21:11

Yé mwa gato mu wairi wa Yefun Yesus ki do, ”Yefun Yesus anare. An yenabi gato ma kadit kota Nazaret mo bur Galilea.”

Markus 1:24

”Yesus, ye Nazaret, Nan ma more wa suma ne? Te, Nan ma more wa Nan gu men e? Ji jam do Yefun Allah fro Nan ma mo bur ré wa Nan gwat Yefun Allah bi suktaru.”

Lukas 24:18

Ete an we dogato gum do Kleopas ndo mo Yefun Yesus do, ”Yenggras te, Nan ma mo Yerusalem, Nan tepsu yedamok mone, ete Nan wadigan jam nde suk gato kamekre bor mone bado?”

Lukas 7:16

Yé mwa me suk gato Yefun Yesus ben ne, án sino yeket, án nyuwa, ete án un Yefun Allah. Yé mwa ne ki do, ”Yenabi gato gum kok sye dik yo anato ma kem su men it anare. Yefun Allah syogat yenabi dik yo ma wa ós An bi rus it anare.”

Yohanes 3:2

Noru dik yo an ma ku Yefun Yesus, ete an ki do, ”Yeguru, men jam do Yefun Allah syogat Nan ma mo bur ré, we Yefun Allah do yo sisu Nan mo nde yo, Nan yo nggiwa ben suk gato kadum Yefun Allah bi suktinggi gato ben men yeket ne yo mo nde.”

Yohanes 4:19

Nggon ne ki do, ”Su ré ji jam Nan it. Nan yenabi, Nan anato Yepasye gato ki Yefun bi suktaru nai men.

Yohanes 6:14

Yé mwa mone me Yefun Allah bi suktinggi bor mo suk gato Yefun Yesus ben mone sa, án ki do, ”Sangge yenabi gato Yefun Allah tom su men do, bere An syogat ma mo bur ré, ana gare it.”

Yohanes 7:52

Ye Farisi ki nai Nikodemus do, ”Sane nan dom si ye Galilea sino onyar kem mo Ye ne bado? Nan watbot Yefun Allah bi sukdu sisu ndo et! Bere nan jam mone do, yenabi yo ma kadit bur Galilea nde.” [

Suk Gato Yerasul Ben Ne 10:38

Nin dakai jam do, Yefun Allah bes Yesus, ye Nazaret ne, orete Yefun Allah Gen bok nggwa mo Yefun Yesus, syo suktinggi nai Yefun Yesus. Nin jam do, Yefun Yesus mubot peyo-peyo, An ben sukndo, An ben ye gato i ne ge. Yé mwa gato biris bi yekwesu jom ne, An nai wé kadit biris bi yekwesu, ete ben yé mwa ne ge re. Yefun Allah sisu Yefun Yesus anato An nggiwa ben suk ne.

Suk Gato Yerasul Ben Ne 2:22

Orge Petrus ki o do, ”Ji bi nji, ji bi nyanggon, ye Israel, nin jammo suk gato ji ki ré et. Yefun Yesus, ye Nazaret ne, men jam do Yefun Allah bes An, we Yefun Allah bi suktinggi bor mo An re. An ben suk mwa gato men yetu yeket {sato: ye gato kwop, An sun mbau satu, ye gato gro ndu, An ben gro ndo satu, ye gato gwes út ne, An ben mu o re}. Yé mwa nutbot suk gato An ben ne ndo nde. An kadum Yefun Allah bi suktinggi bor wa men me re. Nin dakai jam re.

Suk Gato Yerasul Ben Ne 7:22

Yé duno Musa su ye Mesir bi sukdu-i mwa ne. Musa ki suk yo, an ki suk nggi, an ben suk yo, an samok.