Lukas 23:9 - Abun Scripture

⁹ Herodes ndo mo Yefun Yesus subot suk bok yo ware, Yefun Yesus yo du nde.

Lukas 23:9 ပူးပေါင်းရင်းမြစ်များ

Matius 27:12

Sarewo yekwesú mo Yefun Allah bi nu si ye Yahudi bi yepasye ne ndak Yefun Yesus ket kwayo-kwayo ware, Yefun Yesus yo ki suk yo o nde, An not sor.

Matius 27:14

Sarewo Yefun Yesus yo ki suk yo mo nde, An not sor. An yo ki sukdu wokgan yo dom nde. Sane Pilatus yeket ndo nde.

Matius 7:6

Nin syo Yefun Allah bi suk-i nai ndar nde, we bere ndar brek ma ete gu nin. Sane dom, nin syo nin bi suk gato bi sugum sye sato mutiara nai jot nde, we bere jot ne yakos mo bur sor re. {Sane ye gato bariket Yefun Allah bi sukdu ne, nin gwat sukdu ne mu ki nai an daret nde.}”

Markus 15:5

Sarewo Yefun Yesus yo ki suk yo o nde, An not sor. Sane Pilatus yeket mone.

Lukas 13:32

Yefun Yesus ki nai ye Farisi ne do, ”Nan mu ki nai ye gato meret os mwa tepsu ndar krok ne do, ’Su ré it yo, Ji ben ye gato i ne ge, Ji syun semda wé kadit ye gato semda ben ne, Ji ben suk ne tó, wo kam we rek o ete suk gato Ji ben ré tut mone.’

Lukas 23:10

Yekwesú mo Yefun Allah bi nu si yeguru agama ma ti mone dom, ete án ndak Yefun Yesus ket kwayo-kwayo daret.

Yohanes 19:9

Pilatus sok satu o mo an bi nu sye, ete an ndo mo Yefun Yesus do, ”Nan ontu mo u ne?” Sarewo Yefun Yesus yo du nde.

Suk Gato Yerasul Ben Ne 8:32

Yepasye ne baca sukdu mo Yefun Allah bi sukdu sare do, ”An tepsu domba gato ye gwat mu, ye gu kwop wé. An tepsu domba gan gato ye tot go wé, ete An yo ba su nde. An kem not, An yo ki sukdu kwa dik yo dom nde.

1 Petrus 2:23

Yé kabor An sa, An yo kabor yé ne satu nde. An ku sukye sa, An yo ki nai yé gato ben sukye ne do, bere An waii ben sukye nai yé ne satu o nde, wo An bi An nggwa mo Yefun Allah sor. An jam do, Yefun Allah watbot suk mwa ne sisu ndo, orete bere Yefun syo sukye nai nje ne tepsu sukibit gato án ben ne. Wo Yesus Kristus dakai yo ben sukye satu nai ye ne mo nde.