Lukas 23:54 - Abun Scripture

⁵⁴ Kam gato yé mban Yefun Yesus mo kwesukwin su ne, anato kam Jumat gato ye Yahudi fro suk wa bi ik, kam Sabat, ye Yahudi bi kam sye ne. Sane bergan ye Yahudi bi kam sye it anane.

Lukas 23:54 ပူးပေါင်းရင်းမြစ်များ

Matius 27:62

Ye fro suk wa kam sye ne or, bi ik, ye Yahudi bi kam sye, ete yekwesú mo Yefun Allah bi nu si ye Farisi mu ku Pilatus.

Markus 15:42

Kam gato yé mban Yefun Yesus mo kwesukwin ne, sugane kam Jumat. Su kam Jumat ne ye Yahudi fro suk wa bi ik, kam sye kam Sabat ne. Sane karowa ndendu it,

Lukas 23:53

Sane Yusuf mu sombok Yefun Yesus mukri kadit kwesukwin ne, ete Yusuf nggwot su san det gato kwo, ete Yusuf gwat mu mo makwe. Mone an grem Yefun Yesus mukri mo jokwak dik yo gato yé fro wa yé grem yekwop mo mit ne. Jokwak ne, ye yo grem ye mukri mo nde tó.

Yohanes 19:14

Kam gane, yé fro suk wa bi ik ye konwa Kam Sye Waiket, sugane kam ti ri. Pilatus ki nai ye Yahudi do, ”Nin bi yeraja anare!”

Yohanes 19:31

Kam gato Yefun Yesus kwop su ne, kam Jumat, kam gato ye Yahudi fro suk wa án bi kam sye kam Sabat ne. Bi ik ete kam Sabat sor nde, wo Kam Sye Waiket dom. Sane anato ye Yahudi bariwa yetu mukri gato yé mban mo kwesukwin kem kok mone. Sane ye Yahudi bi yepasye ge bok yo mu mo Pilatus. Án ndek mo Pilatus do, ”Nan syogat yé syat yé bok ne gwes subere án kwop kekro, ete yé sombok án mukri wé kadit kwesukwin, ete yé gwat mu.”

Yohanes 19:42

Yusuf si Nikodemus grem Yefun Yesus mukri mo jokwak mit ne, we jokwak ne karowa nat gato yé mban Yefun Yesus mó. Kam ne dom, kam gato ye Yahudi fro suk wa bi ik, kam sye kam Sabat.