Lukas 23:41 - Abun Scripture

⁴¹ Yé syo sukye nai men ka we tepsu sukibit gato men ka we ben ne, sarewo Yefun Yesus ré, An yo ben sukibit tepsu ye gu An kwop yo mo nde.”

Lukas 23:41 ပူးပေါင်းရင်းမြစ်များ

Matius 27:19

Pilatus kem ga mo nat gato sagana an kem wa an ndobot nje mone saresa, an bi nggon taru ma nai an do, ”Nan kibot Ye gare o nde. An yo ben sukibit yo mo nde. Nan misyar sor, we noru gado ji semda ku An, ete suksemda ne ben ji sane sor ji nutbot ndo nde.”

Matius 27:24

Pilatus nutbot do, an yo ku os o nde, we bergan yé mwa mone maskwa ete saiye daret. Sane an nai syur, an mus an syim mo yé mwa ne gwem, ete an ki do, ”Nin dakai gu Ye ré kwop sor, ji yo sok mone nde.”

Matius 27:4

Ete an ki do, ”Ji ben sukibit it! Ji meret os wa gwat yeko ma wa but Ye gato ben sukibit yo mo nde, anato su ré, yekwesú syokom ye gu An kwop.” Yekwesú mo Yefun Allah bi nu ki nai an do, ”Men yo nutbot nan su nan bi sukdu-i nde. Nan dakai fro koita ne sor.”

Matius 27:54

Sane ye Roma bi yesukmise si bi yesu gato mewa Yefun Yesus me sui juwai bur si suk mwa gato bor mone sa, án nyu ndo nde, án yeket, ete án ki do, ”Sangge, Ye ré anato Yefun Allah bi Gan sor.”

Lukas 23:40

Sarewo ye gato ben sukibit ge dik yo ndantom dik yo o. An ki do, ”Te, nan yo nyuwa Yefun Allah nde, bado? Nan dom ku sukye mo kwesukwin re. Yé gu men ka gri kwop sino.

Lukas 23:42

Orge an ki nai Yefun Yesus do, ”Yesus, bere Yefun Allah bes Nan gum Yekwesu, ete Nan ma wa Nan jowa yetu mwa ne sino yo, Nan napawa ji et.”

1 Tesalonika 2:10

Men si nin yé gato onyar kem mo Yefun Yesus kem mone sino sa, men bi men nggwa mo Yefun wa ben Yefun bi suk-i. Men ben men bi suk-i ne ndo tepsu Yefun Allah mit sor, kwa yo gato ibit mo nde. Suk gato men ben ne, nin dakai me su nin gro re, Yefun Allah dakai jam dom re.

Yakobus 4:7

Sane nin jammo Yefun Allah et. Nin mise wa nin syun biris bi yekwesu wé kadit nin. Nin do ben sane it yo, bere biris bi yekwesu nyu ete titi wé kadit nin re.

1 Petrus 1:19

wo Yesus Kristus dé sye, An bi An nggwa wa men yetu anato tepsu suktot gato kok wai kadit suk mwa neya gato ye tot suktot su ne o re. Yesus Kristus anato tepsu domba gan ge gato kaim ndo sino, ibit wokgan yo dom nde. {Suga nyim ye Israel gu suge sato domba gan kwop ete nai i-dé ne wa tot suktot mo sukibit gato án ben ne.}

1 Petrus 2:23

Yé kabor An sa, An yo kabor yé ne satu nde. An ku sukye sa, An yo ki nai yé gato ben sukye ne do, bere An waii ben sukye nai yé ne satu o nde, wo An bi An nggwa mo Yefun Allah sor. An jam do, Yefun Allah watbot suk mwa ne sisu ndo, orete bere Yefun syo sukye nai nje ne tepsu sukibit gato án ben ne. Wo Yesus Kristus dakai yo ben sukye satu nai ye ne mo nde.