Lukas 22:66 - Abun Scripture

⁶⁶ Ik, nyotkwo, ye Yahudi bi yepasye e, yekwesú mo Yefun Allah bi nu si yeguru mwa ne sum sino. Yé ne sum sino, orete yé gwat Yefun Yesus ma mo án gwem wa án kibot.

Lukas 22:66 ပူးပေါင်းရင်းမြစ်များ

Matius 27:1

Nosoro gan, yekwesú mo Yefun Allah bi nu bok yo si ye Yahudi bi yepasye kibot Yefun Yesus, orete án nai sukjimnut dik wa gu Yefun Yesus kwop wé.

Matius 5:22

Sarewo Ji ki sare do, ye to maskwa ket an bi nji, bere Yefun syo sukye nai. Sane o, ye to kendo an bi nji do, ’Nan yeibit,’ bere ye gwat mu mo ye Yahudi bi yepasye si yekwesu gato sum sino wa kibot sukdu ibit gato an ki ne. Sane o ye to kendo an bi nji do, ’Nan jimgon,’ bergan Yefun am ye ne mo bot gesyos.

Markus 15:1

Nosoro gan, ye Yahudi bi yepasye si yekwesu gato sum sino wa kibot sukdu si yekwesú mo Yefun Allah bi nu ge bok yo, si yeguru agama sino kibot sukdu or, ete án nai sukjimnut dik wa ye gu Yefun Yesus kwop wé. Án rai Yefun Yesus krat, ete án gwat Yefun Yesus mu ku Pilatus.

Yohanes 18:28

Ik o, bundugan, yé gwat Yefun Yesus syesyar kadit Kayafas bi nu-i mu mo gubernur bi nu-i gato sye. Ye Yahudi yo sok mo nu mit ne nde, we án fro án nggwa wa án git sugit mo Kam Sye Waiket. An sok mo ye Roma bi nu ne yo, bere án fowa án simo kam sye mo Yefun Allah bi nu or re, sane án yo sok mo gubernur bi nu-i nde.

Suk Gato Yerasul Ben Ne 22:5

Sukye gato ji ben nai ye gato simo os be ne, yekwesu mo Yefun Allah bi nu gato gum kok wai, yenggras ne jam re, bere an ki rer wa nin jam re. Sane dom ye Yahudi bi yepasye e, yekwesu e ne gato sum sino wa kibot sukdu, yé mwa ne sino jam re, bere án ki re. Ji gwat surat gato án krom wa ye Yahudi bi yepasye mo kota Damsyik. Tomga nyim ji gwat surat ne mu mo Damsyik, subere yepasye mone ós ji but ye gato onyar kem mo Yefun Yesus, subere ji kar ma mo Yerusalem wa yé ben sukye nai.”