Lukas 22:53 - Abun Scripture

⁵³ Kamdik-kamdik Ji si nin mo Yefun Allah bi nu de mo ros de mit ne, wo nin yo but Ji nde. Sarewo ye gato biris bi yekwesu jom ne ben an bi suk-i su noru anato nin ma but Ji su noru ré.”

Lukas 22:53 ပူးပေါင်းရင်းမြစ်များ

Matius 21:23

Yefun Yesus satu ma sok mo Yefun Allah bi nu de, mo ros de mit. An duno nje mone saresa, yekwesú mo Yefun Allah bi nu si ye Yahudi bi yepasye ma ku Yefun Yesus. Yé ne ndobot Yefun Yesus do, ”Je u anato bes Nan wa Nan ben suk mwa more ne? Je u anato syogat Nan ma more ne?”

Lukas 22:52

Orge Yefun Yesus ki nai yekwesú mo Yefun Allah bi nu, si ye gato mewa Yefun Allah bi nu ge bok yo, si ye Yahudi bi yepasye gato ma wa but An mone. Yefun Yesus ki nai yé mwa ne do, ”Te nin nut do Ji ré, yekwesu wa yeko gato futma wa gu nin anato nin gwat nyom si kwekoi ma wa nin but Ji su ne bado?

Lukas 22:54

Orge yeko ne but Yefun Yesus, yé gwat Yefun Yesus mu mo yekwesu gato gum kok wai mo Yefun Allah bi nu ne bi nu-i. Petrus ndar boribot Yefun Yesus.

Yohanes 12:27

”Su ré, Ji jimnotbot Ji nggwa teker it anare. Su ré, Ji ki suma o ne? Ji ki sare do, ’Ji bi Ai, Nan nai Ji wé kadit sukye gato bere Ji ku ne et.’ Nde re, Ji yo ki sane nde, we Ji ma mo bur ré wa Ji ku sukye gato bere yé ben nai Ji.

Yohanes 13:30

Yudas nai roti nap gato Yefun Yesus syo nai an, sugane it, an mu mo nden. Noru it anane.

Yohanes 14:30

Ji yo ki suk mwa su nin o nde, we biris bi yekwesu gato jom bur ré ma it anare. Sarewo biris bi yekwesu yo nggiwa jom Ji nde,

Yohanes 7:30

Sugane ye Yahudi bi yepasye iwa but Yefun Yesus ware, ye yo syimtok An mo nde, we An Gen syu tó. Kam gato Yefun Allah fro wa ye but An yo bor nde tó.

Yohanes 7:45

Sane ye gato mewa Yefun Allah bi nu satu ma sa, yekwesú mo Yefun Allah bi nu si ye Farisi ndo mo án do, ”Nin yo gwat An ma nde wa suma ne?”

Suk Gato Yerasul Ben Ne 26:18

subere nan ki sukdu subot Ji kak án bi sukjimnut, subere án kwet kadit ndendu bi os-i ete brek ma simo os gato ndo ne sor. Ji syogat nan mu mo án, subere án misyar yerom e, aboksye e ne bi suktinggi-i ete brek ma jammo Yefun Allah bi suktinggi-i. Án onyar kem mo Ji, sane bere Yefun Allah ki do, sukibit gato án ben ne or kadit án, Yefun Allah yo nutbot o nde. Sane dom, án gum sok mo Yefun Allah bi rus-i.’ ”

Efesus 6:12

Yeko gato ma wa gu men ne, án yetu nde, wo yeko ne anato suk gato i-mok mó gato werwa jom yetu mo bur ré sato: yerom e, aboksye e, malaikat ibit gato bi suktinggi mo gu nim ne si bur ré e ne. Biris mwa ne sino iwa meret os wa ben men brek wé kadit Kristus bi os-i.

Kolose 1:13

Yefun Allah nai men wé kadit biris bi yekwesu gato jom men ne. Yefun nai men wé kadit ndendu bi os-i ete An nai men gum sok mo An bi Gan bi rus-i ne it. Sane An bi Gan gato An jimnotku ne jom men mone re.