Lukas 22:52 - Abun Scripture

⁵² Orge Yefun Yesus ki nai yekwesú mo Yefun Allah bi nu, si ye gato mewa Yefun Allah bi nu ge bok yo, si ye Yahudi bi yepasye gato ma wa but An mone. Yefun Yesus ki nai yé mwa ne do, ”Te nin nut do Ji ré, yekwesu wa yeko gato futma wa gu nin anato nin gwat nyom si kwekoi ma wa nin but Ji su ne bado?

Lukas 22:52 ပူးပေါင်းရင်းမြစ်များ

Matius 26:47

Yefun Yesus do ki sukdu ne saresa, An bi pakon dik yo kadit pakon musyu dik sop we ne gato gum do Yudas bor mone. Yé mwa gato gwat nyom si kwekoi ne simo Yudas ma dom. Yekwesú mo Yefun Allah bi nu si ye Yahudi bi yepasye anato syogat yeko ne ma wa but Yefun Yesus.

Matius 26:55

Orete Yefun Yesus ki nai yeko ga mone do, ”Te nin nut do Ji ré, yekwesu wa yeko gato futma wa gu nin, anato nin gwat nyom si kwekoi ma wa but Ji su ne bado? Kamdik-kamdik Ji da duno nje mo Yefun Allah bi nu ne mó re, sarewo nin yo but Ji mone nde.

Lukas 22:37

We, Ji ki sare do, suk gato ye krom mo Yefun Allah bi sukdu bere bor re. Ye krom sare do, ’Yé nut do, An anato ye gato ben sukibit.’ Mo Yefun Allah bi sukdu ne ye krombot Ji dakai. Bere suk gato ye krom ne bor mo Ji.”

Lukas 22:4

sane Yudas mu ku yekwesú mo Yefun Allah bi nu si ye gato mewa Yefun Allah bi nu. Yudas ku yé ne sa, yé bok ne kibot os yo subere Yudas tepsu yeketut gato meret os wa gwat yeko ma wa but Yefun Yesus.

Lukas 22:51

Pakon sap pakwerut ne dabe toko wé sa, Yefun Yesus ki do, ”Tep it!” Orete Yefun Yesus syimtok pakwerut ne dabe, Yefun Yesus ben pakwerut dabe ne kom satu re.

Lukas 22:53

Kamdik-kamdik Ji si nin mo Yefun Allah bi nu de mo ros de mit ne, wo nin yo but Ji nde. Sarewo ye gato biris bi yekwesu jom ne ben an bi suk-i su noru anato nin ma but Ji su noru ré.”

Yohanes 17:12

Ji sisu án sa, Nan bes Ji gum-i kok tepsu Nan gum-i anato Ji yawa án kadit sukibit su Nan bi suktinggi gato Nan syo nai Ji re. Ji mewa án sane, dik yo gwet mo nde, mwa ne sino mó. Wo ge dik sor anato ges mo os ibit kadit men subere sukdu gato yé krom nyim mo Yefun bi sukdu ne bor mone it.

Suk Gato Yerasul Ben Ne 5:26

Sane yé gato mewa Yefun Allah bi nu bi yekwesu si bi pa mu kar yerasul ne ma. Án but yerasul, án yo ben sukot su nde, we án nyuwa, sawe yé mwa mo Yefun Allah bi nu ne maskwa ete am án su jok.