Lukas 22:42 - Abun Scripture

⁴² Yefun Yesus ndek mo Yefun Allah do, ”Ji bi Ai o, Nan imo yo, Nan nai Ji wé kadit sukye gato bere Ji ku ré et. Sarewo Nan jammo suk gato Ji iwa ne nde, wo Nan dakai fro pe ne tepsu Nan dakai imo. Bere Ji benbot suk gato Nan imo, Ji yo ben ket Ji i nde.” [

Lukas 22:42 ပူးပေါင်းရင်းမြစ်များ

Matius 11:25

Yefun Yesus ki sukdu ne or sa, An ki o do, ”Ji bi Ai, Nan anato Yekwesu mo gu nim ne si bur ré, Ji ki ndo mo Nan, we Nan gurik sukdu gato Ji ki ne bi sukjimnut-i kadit yepasye gato jam suk mwa, ete Nan kadum sukjimnut ne nai ye gato ben nggwa sato pa wokgan.

Matius 11:26

Ji bi Ai, Nan dakai iwa Nan ben Nan bi suk-i sane it.”

Matius 20:22

Yefun Yesus ki nai pa we do, ”Nin ka we jam nde suk gato nin ka we ndekwa ne. Nin ka we fro nggwa wa nin ka we ku sukye tepsu sukye gato bere Ji ku ne, bado?” Pa we ne ki do, ”Men fro men nggwa wa re.”

Matius 26:39

Yefun Yesus mu ko gan kadit pakon ka gri ne, ete An sem An gwem mu bur wa An ki suk su Yefun Allah. An ki nai Yefun Allah do, ”Ji bi Ai o, os yo mó yo, Nan nai Ji wé kadit sukye gato bere Ji ku ré et. ”

Matius 26:42

Yefun Yesus mu ki suk su Yefun Allah wam dik yo o, An ki do, ”Ji bi Ai o, os yo wa Nan nai Ji wé kadit sukye ré mo nde yo, Ji simo os gato Nan dakai imo ne sor.”

Matius 26:44

Sane Yefun Yesus misyar pa ka gri ne kem, ete An mu ki suk su Yefun Allah wam dogri o. An ki sukdu gado ne o.

Matius 6:10

Nan ma tepsu Yekwesu wa jowa men yetu ete ndo, Men yetu sino mo bur ré, men ben suk tepsu Nan mit saga yé ben mo gu nim ne ete ndo.

Markus 14:36

Yefun Yesus ki nai An bi Ai o do, ”Ji bi Ai o, Ji jam do, sangge suk mwa ne sino gato Ji ndek mo Nan, Nan bi suktinggi ne wai mó re. Suk gato yé teker wa Nan ben ne yo mo nde. Sane Nan nai Ji kadit sukye gato bere Ji ku ré et. Sarewo Nan jammo suk gato Ji iwa ne nde, wo Nan dakai fro pe ne tepsu Nan dakai imo, bere Ji simo.”

Lukas 23:34

Orge Yefun Yesus ki nai Yefun Allah do, ”Ji bi Ai, yesukmise ré jam nde suk gato án ben ne, sane Nan maskwa án mo sukibit ne nde, Nan misyar sor.” Orete yesukmise ne tik bit wa án wat Yefun Yesus bi san su yu.

Yohanes 18:11

Yefun Yesus syogat Petrus do, ”Nan bok nan bi nyom satu tom! Sukye gato Ji bi Ai fro wa Ji ku ne, nan nut do, bere Ji yo simo nde bado? Tepsu ye da syur gato ye sye pe mo mok re, bere Ji da sor.”

Yohanes 4:34

Yefun Yesus ki do, ”Suk gato tepsu sugit wa Ji anato Ji ben suk tepsu Yefun Allah mit. Ji ben An bi suk-i gato An syogat Ji ma mo bur ré wa ben ne sor kom mo pe gato or mó anato tepsu sugit wa Ji git re.

Yohanes 5:30

”Ji dakai yo ben suk tepsu Ji dakai bi sukjimnut nde, wo Ji ndobot yetu mo suk gato án ben ne tepsu sukdu gato Ji bi Ai ki ne. Ji ndobot nje sisu sangge sor, Ji ndobot nje sisu ri-roi, we Ji yo ben Ji bi suk-i ket Ji i nde, wo Ji ben Ji bi suk-i tepsu Ji bi Ai gato syogat Ji ma mo bur ré mit-i sor.

Yohanes 6:38

We Ji is kadit gu ma mo bur ré wa Ji ben Ji bi Ai bi suk-i gato An imo, we An anato syogat Ji ma more. Ji yo ben Ji dakai bi suk-i nde.

Suk Gato Yerasul Ben Ne 21:14

Men wergat Paulus sane ware, men me do, an nai sukjimnut krat mone it, sane men wergat an o nde, men misyar re, ete men ki do, ”Sa ndo sa, suk gato Yefun Allah imo bere bor sor.”