Lukas 22:41 - Abun Scripture

⁴¹ Yefun Yesus ki suk ne or, An mu ko gan kadit An bi pakon, ete An tu An umsu, An ki suk su Yefun Allah.

Lukas 22:41 ပူးပေါင်းရင်းမြစ်များ

Matius 26:39

Yefun Yesus mu ko gan kadit pakon ka gri ne, ete An sem An gwem mu bur wa An ki suk su Yefun Allah. An ki nai Yefun Allah do, ”Ji bi Ai o, os yo mó yo, Nan nai Ji wé kadit sukye gato bere Ji ku ré et. ”

Markus 14:35

Yefun Yesus mu ko gan kadit pakon ka gri ne, ete An sem brek gwem mu bur wa An ki suk su Yefun Allah. Yefun Yesus ndek mo Yefun Allah do, ”Ji bi Ai o, os yo mó yo, Nan nai Ji wé kadit sukye gato bere Ji ku ré et.”

Lukas 18:11

Ye Farisi ti mone, an ki suk su Yefun Allah, sarewo an ki subot an dakai sare do, ’Ndo mo Yefun Allah, Nan, we ji yo ben sukibit sato ye yi nde. Ji yo gro sye wa suk nde, ji yo syimsi suk nde, ji yo kidar suk nde, ji yo ben siri su nggon yo mo nde. Yé mwa ne ben suk sane, wo ji yo ben suk sane nde. Ji ki ndo mo Yefun Allah, Nan, we ji ré yo ben sukibit tepsu ye gato nai sugum kadit nje wa pemerintah gato ti reya nde.

Lukas 18:13

Sarewo ye gato nai sugum kadit nje wa pemerintah ne, an ti ko gan kadit ye Farisi ne. An yo sok mu nim mo gu nde, an nggo an tunap, we an nderku an nggwa mo sukibit mwa gato an ben ne. An ki do, ’Yefun Allah o, ji anato ye gato ben sukibit mwa. Nan maskwa ji o nde, wo Nan jimnotku ji et.’ ”

Suk Gato Yerasul Ben Ne 20:36

Paulus ki sukdu ne or sa, Paulus si yekwesu bok ne tu umsu, án ki suk su Yefun sino.

Suk Gato Yerasul Ben Ne 21:5

Sarewo kom mo kam gato men fro ne, men mu kadit án re. Yé gato onyar kem mo Yefun Yesus si bi nggon si bi pa sino top men mo kota de nden kom mo sem de. Mo sem de men tu men umsu, men ki suk su Yefun.

Suk Gato Yerasul Ben Ne 7:60

Stefanus tu an umsu mo bur, ete an saiye do, ”Yefun, ji bi Yekwesu, Nan syo sukye nai yepasye ré mo sukibit gato an ben nai ji nde. Nan misyar sor.” Stefanus ki or sa, an kwop re.

Suk Gato Yerasul Ben Ne 9:40

Petrus syogat án sino mu nden kadit gumwak ne. Orete Petrus tu an umsu, an ki suk su Yefun. An ki suk su Yefun, orete an sokwa Dorkas mukri, ete an ki do, ”Dorkas, nan sun se!” Dorkas gro rek it anane. Dorkas gro rek, mom me Petrus, mom sun, mom kem.

Ibrani 5:7

Yefun Yesus kem mo bur ré tó sa, An ki suk su Yefun Allah, An benadi, ete An wo su. An ki suk nggi su Yefun Allah gato nggiwa nai An wé kadit yé gato iwa gu An kwop ne. Yefun Yesus iwa jammo Yefun Allah, sane anato Yefun Allah iwa jam suk gato An ki nai Yefun Allah ne.