Lukas 22:40 - Abun Scripture

⁴⁰ Án sino mu kom mo pe ne sa, Yefun Yesus ki nai An bi pakon do, ”Nin ndekwa Yefun Allah mewa nin subere suk yo tik nin mit ete ben nin misyar Ji nde.”

Lukas 22:40 ပူးပေါင်းရင်းမြစ်များ

Matius 6:13

Nan mewa men subere suk yo tik men mit ete ben men ges mo os ibit mone nde, wo Nan kak os wa men subere biris bi yekwesu yo ku os wa gwat men sok mo os ibit mone nde. [Nan sor anato Yekwesu gato nggi wai, Nan sor anato Yekwesu gato gum kok wai to kapyo mato kapyo. Sangge.]’

Lukas 11:4

Nan maskwa men mo sukibit gato men ben mu nai Nan o nde, Nan nutbot o nde, tepsu men yo maskwa ye yi mo sukibit gato ye ne ben ma nai men ne nde, ete men nutbot o nde. Nan mewa men subere suk yo tik men mit ete ben men ges mo os ibit mone nde.’ ”

Lukas 22:46

Yefun Yesus ki nai An bi pakon do, ”Nin sem wa suma ne? Nin sun se! Nin ndekwa Yefun Allah mewa nin subere suk yo tik nin mit ete ben nin misyar Ji nde.”

1 Petrus 4:7

Karowa bur ré kru it, sane nin mewa nin nggwa, nin kem su nin fra, subere nin nggiwa nin ki suk su Yefun Allah sisu ndo et.

Wahyu 3:10

Kapre nin ku sukye, nin misyar Ji nde, wo nin benbot Ji bi sukdu-i petok sor tepsu Ji ki ne. Sane bere kam gato yetu mwa ne sino mo bur ré iwedewe ku sukye ndo nde, bere Ji mewa nin kadit re. Bere yetu mwa ne sino ku sukye subere yé gato misyar Ji, bere bor mone.