Lukas 22:38 - Abun Scripture

³⁸ Yefun Yesus bi pakon ki do, ”Yenggras, Nan me men bi nyom gato ot nden wé, nyom we anare.” Yefun Yesus ki do, ”Tep re. Men ki subot suk ne o nde.”

Lukas 22:38 ပူးပေါင်းရင်းမြစ်များ

Matius 26:51

Sugane Yefun Yesus bi pakon dik yo nai bi nyom, ete sap pakwerut dik yo dabe toko wé re. Pakwerut ne ben suk wa yekwesu gato gum kok wai mo Yefun Allah bi nu.

Lukas 22:36

Orge Yefun Yesus ki do, ”Sarewo su ré yo, nin ben suk tepsu tomga nyim ne o nde. Nin bi sugum mó yo, nin gwat sor. Nin bi yu mó yo, nin gwat sor. Nin yo ku nyom gato ot nden wé yo mo nde yo, nin mu so nin bi sansun subere nin ku sugum, ete nin so nyom dik yo wa nin gwat.

Lukas 22:49

Yefun Yesus bi pakon deyo me do yeko ne ma wa but Yefun Yesus sa, án ndo mo Yefun Yesus do, ”Yenggras, men bi Yekwesu te, men gu yeko ré su men bi nyom e?”

Yohanes 18:36

Yefun Yesus ki do, ”Ji yo tepsu yeraja gato jom yetu mo bur ré nde. Ji tepsu yeraja mo bur ré yo, bere Ji bi pakon futmu mo ye Yahudi bi yeko, subere yeko ne yo but Ji nde. Sarewo Ji gum yeraja mo bur ré nde, wo mo pe yi re.”

1 Tesalonika 5:8

Sarewo men ré anato tepsu ye gato ben bi suk-i su nombrak. Sane men mewa men nggwa su sukjimnut gato ndo sor. Men onyar kem mo Yefun, men bi sukjimnut sye kas subot ye yi anato tepsu men it san gato krat kewa men kaim, san krat ne mewa men. Sane dom, men kwabom kam mo Yefun do, bere An ós men kem gesyos anato tepsu men bom topi krat kewa men su.

1 Petrus 5:9

Sane dom, nin gato onyar kem pe mo Kristus ne, nin mise wa biris bi yekwesu ne, nin syun biris bi yekwesu wé kadit nin, subere sukye gato biris bi yekwesu mitiwa ben nai nin ne yo kas nde. Nin ben sane, we nin jam do, yé mwa ne sino gato si nin onyar kem mo Yefun Yesus mo bur ré iwedewe ku sukye sagato nin ku ne dom.