Lukas 22:32 - Abun Scripture

³² Sarewo Simon, Ji ndek Yefun Allah wa ós nan, subere nan onyar kem pe mo Ji mo sukye ne, subere nan misyar Ji nde. Kapre nan ges mo os ibit mo sukye ne yo, bere nan kwet kadit, ete nan duno nan bi nji mo Yefun Allah bi rus-i, subere án onyar kem mo Ji nggi wai kadit nyim ne o re.”

Lukas 22:32 ပူးပေါင်းရင်းမြစ်များ

Matius 18:3

ete Yefun Yesus ki do, ”Suk gato Ji ki ré suksangge anare, nin yo ben nin nggwa ga sato pa wokgan ré nde yo, bere nin gum yo sok mo Yefun Allah bi rus-i nde.

Matius 26:75

Petrus napakom sukdu gato Yefun Yesus ki nai an ne do, ”Ndam kokor yo ke nde tó, nan rewa Ji wam gri re.” Orete Petrus syesyar mu nden, ete an wo ndo nde.

Markus 14:72

Petrus do ki an bi sukdu-i sa, ndam kokor ke kedowe it anane. Orge Petrus napakom sukdu gato Yefun Yesus ki nai an ne do, ”Ndam kokor yo ke wam we nde tó, nan rewa Ji wam gri re.” Orete Petrus nderku an nggwa, an wo ndo nde.

Markus 16:7

Sane su ré nin mu kekro. Nin ki sukdu ré nai An bi pakon si Petrus do, ’Yefun Yesus mu nyim mo bur Galilea re. Bere nin mu sakanwa An motu, tepsu sukdu gato An ki nai nin mó re ne.’ ”

Lukas 8:13

Mbet gro gato ges mo bur ka gato jok mwa ne anato tepsu yé gato jam Yefun bi sukdu ne ete án nai Yefun bi sukdu ne mo án mit. Diksim án iwa, sarewo sukdu ne yo kem pe mo án mit nde, tepsu mbet gro ne i-brot yo kom mo jok nde. Diksim án jammo sukdu ne, sarewo bergan sor suk yo do tik án mit wa án ges mo os ibit yo, án misyar sukdu ne or re.

Yohanes 14:19

Yo nam nde ge, yetu mo bur ré yo ku Ji o nde. Sarewo nin sa, bere nin ku Ji mone tó, we bere Ji mbau kadit sukkwop o re. Sane bere nin kem gesyos dom.

Suk Gato Yerasul Ben Ne 3:19

Sane nin kwet, nin brek kadit os ibit, ete nin jammo Yefun Allah et. Nin kwet subere Yefun Allah yo maskwa nin mo sukibit gato nin ben ne o nde, wo ben sato Yefun rus sukibit gato nin ben ne wé re.

Roma 8:32

Yefun Allah yo nai An dakai bi Gan wé kadit sukye nde, wo Yefun Allah syo An bi Gan ma kwop win men yetu sino. Yefun Allah dakai syo An bi Gan ma wa men yi, sane bere An dakai syo suk mwa neya yi nai men dom, fe!

Roma 8:34

Ye yo ku os wa ki men gum ibit ne mó e? Yo mo nde, we Yesus Kristus gato kwop wa men ete mbau satu o, Yesus Kristus ne kem tak Yefun Allah de syim ge, anato Kristus gwa yawa men gum mo sukdu gato ye kiket men daret re.

2 Timotius 2:18

An we misyar Yefun Allah bi sukduno-i gato sangge. An we duno nje su sukduno gato siri. An we ki do, yé mwa gato Yefun Allah fro wa sun kadit sukkwop ne, Yefun Allah sun ete gwat mu mo gu or re. Sane an we ki do, bere kam sari ne ma Yefun Allah yo sun ye yi yo o nde. An we duno nje sane anato yé bok yo onyar kem mo Yefun Allah bi sukduno-i ne o nde.

Titus 1:1

Ji gato gum do Paulus anato krom surat ré wa nan, Titus, gato ji bi pa. Ji anato Yefun Allah bi pakwerut. Ji anato Yesus Kristus bi yerasul. Yefun Allah bes ji, ete syogat ji mu duno yé gato Yefun Allah fro suga nyim wa An nai sok mo An bi rus-i ne. Ji mu duno án subere án jam sukdu gato sangge, subere án onyar kem mo Yefun Allah, subere án ben Yefun bi suk-i.

Ibrani 12:15

Nin mewa yu sawe nin deyo mu brek dari tak Yefun Allah gato ben bi suk-i ne ndo wai su men dakai yi. Nin mewa yu sawe nin deyo gwat os ibit wa nin. Tepsu sukjan gato bi ri mó, ete ri ne waii tok sukjan yi mwa neya, bere te re, nin mewa yu kadit ye gato gwat os ibit gane ma, sawe os ne ben sukye wa nin sino, ete kom mo rut ben nin ibit o re.

Ibrani 7:25

Sane anato Yefun Yesus nggiwa ben suk tepsu yegweswai wa ós men yé gato iwa ma mo Yefun Allah bi nat-i sor to kapyo mato kapyo. Yefun Yesus kem gesyos, An ós wa ki suk su Yefun Allah tepsu yegweswai wa men petok sor.

1 Petrus 1:1

Ji gato gum do Petrus, gato Yefun Allah syogat mu ben Yesus Kristus bi suk-i win Yesus Kristus mo bur ré tepsu Yesus Kristus bi yerasul, ji anato krom surat ré wa nin. Ji krom sukdu ré wa nin, ji bi nji, ji bi nyanggon, nin yé gato Yefun Allah fro suga nyim wa An nai sok mo An bi rus-i. Ji krom sukdu ré wa nin yé gato kem tepsu yedamok frekbot bur Pontus, bur Galatia, bur Kapadokia, bur Asia si bur Bitinia.

1 Petrus 1:13

Nin jam sukdu subot os ndo gato Yesus Kristus kak ne, sane anato nin fro nin nggwa wa ben An bi suk-i petok sor. Nin kem su nin fra, nin kwabom kam mo Yefun Allah do, tepsu kam gato Yesus Kristus satu ma ne, bere Yefun Allah ben sukndo su nin re.

1 Petrus 1:5

Yefun Allah grem suk mwa ne kem mo gu wa men. Bere men ku mone tó, wo men kem mo bur ré tó, men onyar kem pe mo Yefun Allah, sane An mewa men su An bi suktinggi ne sane sor, An nai men wé kadit bur ré, ete An gwat men mu sok mo An bi nat-i su kam gato bur ré kru re.

2 Petrus 3:14

Sane it yo, ji bi nji ji bi nyanggon gato ji jimnotku, men eswa kam gato Yefun Yesus tom ré it yo, men kamo nde, wo men wergat men nggwa, subere men ben suk mwa ne ndo sor, kwa yo gato ibit mo An gwem mo nde. Sane dom, men werwa men si Yefun Allah kem ndo su yu petok sor.

1 Yohanes 2:19

Suga nyim ye gato sok mo yeko ne, án sisu men, orge án mu kadit men re. Ye gare da si men, sarewo án yo mit dik su men nde. Sato án mit dik su men yo, bere án yo mu kadit men nde, sarewo án mu kadit men, ete mone men jam do, án yo mit dik su men mo nde.