Lukas 22:31 - Abun Scripture

³¹ Yefun Yesus ki do, ”Simon, Simon, nan jammo Ji bi sukdu ré et! Biris bi yekwesu ndek mo Yefun Allah do, an ben sukye nai nin sino, tepsu ye tut fas gro.

Lukas 22:31 ပူးပေါင်းရင်းမြစ်များ

Matius 26:30

Án git, án da nau ne, orete án kos sukos dik yo wa un Yefun Allah, or o án mu kadit pe ne mu mo nden mo bobuk Zaitun.

Matius 4:10

Yefun Yesus ki do, ”Biris bi yekwesu, nan mu kadit Ji tom, we mo Yefun Allah bi sukdu, ye krom o do, ’Men bes men bi Yekwesu Yefun Allah ne gum kok et, men ben An bi suk-i sor.’ ”

Lukas 10:41

Yefun Yesus ki do, ”Marta, nan jimnutbot suk mwa ré teker eta,

Suk Gato Yerasul Ben Ne 9:4

Saulus ges gwa mo bur. An jam yetu ge dik yo ki sare do, ”Saulus, Saulus, nan ben sukye nai Ji wa suma ne?”

1 Korintus 5:5

nin syo pa ne mo biris bi yekwesu syim-i, subere biris bi yekwesu ne ben sukye nai pa da kridek, sane sor pa ne yo ndo o nde. Men ben sane subere sukjimnut gato tik pa mit wa pa ben sukibit yo jom pa o nde. Sane kam gato Yefun Yesus satu ma mo bur ré yo, bere pa ne da gesyos yo ges mo bot gesyos nde, wo bere pa ne kem ndo to kapyo mato kapyo mo Yefun Allah bi nat-i.

2 Korintus 2:11

Ji ós nin sare do, ji yo nutbot sukibit ne o nde, subere biris bi yekwesu yo ku os wa ben kidar men nde, we men jam an bi os-i ware.

1 Petrus 5:8

Nin kem su nin fra et. Nin fro nin nggwa petok sor. Biris bi yekwesu iwa ben sukibit nai nin. Biris bi yekwesu muya-muma sato suge krok gato mise, gato gum do singa. Biris bi yekwesu ne meret yetu ge dik yo wa ben an sukye nai, tepsu suge singa sok suge dik yo wa an gu kwop, ete an git.

Wahyu 12:10

Orete ji jam ye yo saiye mo gu, an ki do, ”Ré ne Yefun Allah nai An bi rus-i wé kadit sukye subere men kem ndo it. Ré ne Yefun Allah gato jom men ne bi suktinggi bor it. Sane anato bere An jom men mo nat gato An fro ne it. Ré ne Kristus gato Yefun bes wa kak os ndo wa yetu kem ndo bi suktinggi bor anato Kristus jom men yetu mo bur ré re. Men si Yefun kem ndo mo bi nat-i it, we su ré biris bi yekwesu gato ndak men bi nji mo Yefun bi rus-i ne gum mo Yefun Allah gwem noru nombrak ne, biris bi yekwesu yo ti mone o nde, we yé am biris bi yekwesu wé kadit nat ne or re.