Lukas 22:3 - Abun Scripture

³ Orge biris bi yekwesu bok nggwa mo Yudas, gato yé kendo do Iskariot. Yudas sok mo Yefun Yesus bi pakon musyu dik sop we ne. Biris bi yekwesu ne bok nggwa mo Yudas,

Lukas 22:3 ပူးပေါင်းရင်းမြစ်များ

Matius 10:4

Simon gato sok mo yekweke, si Yudas Iskariot gato ri ma meret os wa gwat yeko ma wa but Yefun Yesus.

Matius 26:23

Yefun Yesus ki do, ”Ye gato si Ji ras roti mo sukrom mo mbem ré sino, ye ne anato bere meret os wa gwat yeko ma wa but Ji.

Matius 4:10

Yefun Yesus ki do, ”Biris bi yekwesu, nan mu kadit Ji tom, we mo Yefun Allah bi sukdu, ye krom o do, ’Men bes men bi Yekwesu Yefun Allah ne gum kok et, men ben An bi suk-i sor.’ ”

Lukas 22:21

”Mban! Yeketut gato meret os wa gwat yeko ma wa but Ji, an si Ji kem mo meja de ré. An si Ji git sugit sino anare.

Lukas 6:16

Yudas gato Yakobus bi pa, si Yudas Iskariot gato ri ma meret os wa gwat yeko ma wa but Yefun Yesus.

Yohanes 12:6

Yudas yo nutbot ye gato yewa suk nde, wo an ki an bi sukdu-i ne, we an ye gato syimsi suk. Sagana an nai sugum kadit pakon bi sugum gato an mewa ne dom.

Yohanes 13:18

Suk gato Ji ki ré, Ji ki wa nin sino nde. Yé gato Ji fro wa ben suk wa Ji, Ji jam án kom mo mit. Sarewo yetu ge dik sor re, sukdu gato yé krom nyim mo Yefun Allah bi sukdu bere bor re. Sukdu ne sangge. Mo Yefun bi sukdu, yé krom sare do, ’Ye gato si Ji git sugit sino, an gro ete me Ji, wo an mit tara re, bere an ben sukibit su Ji.’

Yohanes 13:2

Bi noru, ete Yefun Yesus si bi pakon git sugit sino sa, biris bi yekwesu sok an bi sukjimnut-i mo Yudas do, bere Yudas meret os wa gwat yeko ma wa but Yefun Yesus. Yudas gato Simon Iskariot bi pa anato tepsu yeketut.

Suk Gato Yerasul Ben Ne 5:3

Orge Petrus ki do, ”Ananias, ben sa u anato biris bi yekwesu bok nggwa mo nan, ete nan kidar Yefun Allah Gen sare ne? Nan ki do, sugum gato nan ku kadit nan bi bur det gato nan so anare, ondewo, nan dakai grem sugum napyo wa nan dakai. Nan kidar Yefun Allah Gen ko ré go!