Lukas 22:22 - Abun Scripture

²² Yetu bi Pa to Ji ré bere kwop, sagato sukdu gato Yefun Allah tom su it ne. Sarewo ye gato meret os wa gwat yeko ma wa but Ji bere ku sukye.”

Lukas 22:22 ပူးပေါင်းရင်းမြစ်များ

Matius 26:24

Sangge, Yetu bi Pa to Ji ré bere kwop sagato yenabi krom mo Yefun Allah bi sukdu ne. Sarewo ye gato meret os wa gwat yeko ma wa but Ji bere ku sukye. Ndo sa, ye ne bi im yo pe an mo nde.”

Matius 27:5

Sane Yudas am sugum ne mo Yefun Allah bi nu mit, orete an mu kadit nu ne. An mu ete kok an nggwa su jamtu mo nden, ete an kwop.

Markus 14:21

Sangge, Ji gato Yetu bi Pa bere kwop sagato yenabi krom mo Yefun Allah bi sukdu ne. Sarewo ye gato meret os wa gwat yeko ma wa but Ji bere ku sukye. Ndo sa, ye ne bi im yo pe an mo nde.”

Lukas 22:23

Sane Yefun Yesus bi pakon bok ne ndobot yu do, ”Kadit men ré te, je u anato tepsu yeketut ré ne?”

Lukas 24:46

Or o, Yefun Yesus ki nai án do, ”Yé krom mo Yefun Allah bi sukdu sare do, bere Yekwesu gato Yefun Allah syogat ma mo bur ré wa nai nin yetu kadit sukye ete jowa nin, bere An ku sukye, An kwop orete yo, kam we rek, ete Yefun Allah sun An kadit sukkwop o re.

Yohanes 17:12

Ji sisu án sa, Nan bes Ji gum-i kok tepsu Nan gum-i anato Ji yawa án kadit sukibit su Nan bi suktinggi gato Nan syo nai Ji re. Ji mewa án sane, dik yo gwet mo nde, mwa ne sino mó. Wo ge dik sor anato ges mo os ibit kadit men subere sukdu gato yé krom nyim mo Yefun bi sukdu ne bor mone it.

Suk Gato Yerasul Ben Ne 10:42

Yefun Yesus syaugat men do, ’Nin mu ki sukdu subot os ndo gato Ji kak ne nai yé mwa jam et. Nin ki do, Yefun Allah bes Ji tepsu Yepasye gato ndobot yé mwa ne sino, ye gato mbau tó, sisu ye gato kwop nyim re.’

Suk Gato Yerasul Ben Ne 17:31

Yefun Allah syogat men yetu kwet, we An fro kam gato bere An ndobot men yetu sino mo suk gato men ben ne. Yefun Allah bes yetu ge dik yo wa ndobot men yé mwa ne sino. Ye ne bere ndobot nje sisu ri-roi sor. Men jam do, sangge, bere Yefun Allah bes Ye ne, we Yefun Allah sun Ye gato An bes ne kadit sukkwop it.”

Suk Gato Yerasul Ben Ne 2:23

Yefun Yesus gare, nin si yé bok yo gato ben sukibit ne gu An kwop wé. Nin si yé bok ne mban Yefun Yesus mo kwesukwin. Yefun Allah fro suk gato bor ne su ketke, Yefun Allah jam nyim wé re. Yefun jam do, bere ye syo An mo nin syim-i, orete nin gu An kwop, Yefun Allah jam nyim wé re. Nin da gu An kwop,

1 Petrus 1:11

Yenabi bok ne jam sukdu subot sukye gato bere Kristus ku ne. Kristus Gen bok nggwa mo yenabi, ete ki sukdu napyo nai yenabi bok ne jam re. Yenabi jam do, bere ye bes Kristus gum kok mo os ndo gato An kak ne. Sane yenabi werwa án jam kom mo mit o et, án ndobot do, ”Os ne bere Yefun kak sa u ne? Kam ot ete bere Yefun kak os ne?” Yenabi ne ndobot, sarewo án yo jam sukdu mwa ne or sino nde.

2 Petrus 2:3

Yeguru ne gro sye wa án ku suk mwa wa án dakai. Sane án kidar nin su sukdu gato án dakai fro subere nin syo suk nai án. Sarewo nam it, Yefun Allah gato bere ndobot án fro wa syo sukye nai án. Yefun Allah fro wa bare án mo bot gesyos, Yefun Allah es ndek mo os koirut wa án re.