Lukas 22:2 - Abun Scripture

² yekwesú mo Yefun Allah bi nu si yeguru sino fro os wa án gu Yefun Yesus kwop apre, subere yé mwa jam nde. Yekwesú bok ne nokwa yé mwa maskwa án mone anato án fro os ne su apre.

Lukas 22:2 ပူးပေါင်းရင်းမြစ်များ

Matius 12:14

Wo ye Farisi maskwa, án mu kadit nat ne, ete án ku yu, án fro os wa gu Yefun Yesus kwop wé.

Matius 21:38

Wo ye gato mewa nggwe ne do me pa ne ma sa, án ki nai yu do, ’Yenggras gato bi bur det ré bi gan anare. Men gu pa kwop wé et, subere bur det ré sok mo men.’

Matius 26:2

”Kam we ete kam sye gato gum do Kam Sye Waiket, nin dakai jam re. {Yé napawa kam gato malaikat waiket ye Israel bi pa futmo mo bur Mesir suga nyim tuya.} Su kam ne, bere yé syo Yetu bi Pa to Ji ré mo yé syim wa yé mban Ji mo kwesukwin.”

Markus 14:1

Yefun Yesus si An bi pakon ne mu kadit pe ne or sa, án mu mo kampung Betania. Kam we rek o, ete ye Yahudi konwa Kam Sye Waiket, {kam gato suga nyim tuya malaikat waiket ye Israel bi pa futmo mo bur Mesir, malaikat yo gu ye Israel bi pa kwop nde}. Ye Yahudi bi kam sye bi kam do futmo ne, ye Yahudi kon roti gato yo it nde. Karowa kam sye ne sa, yekwesú mo Yefun Allah bi nu si yeguru agama sino fro os wa án but Yefun Yesus wa án gu apre, subere yé mwa jam nde.

Lukas 20:19

Ye Yahudi bi yeguru agama si yekwesú mo Yefun Allah bi nu ne, án sino jam do Yefun Yesus gwat sukamno ne pet mo sukibit gato án ben ne. Sane án werwa án but Yefun Yesus ware, án nyuwa yé mwa gato sum mone.

Yohanes 11:57

Sarewo yekwesú mo Yefun Allah bi nu si ye Farisi syogat yé mwa mone do, ”Nin ku Ye ne mo pe yo it yo, nin ki napyo nai men subere men mu but An et.”

Suk Gato Yerasul Ben Ne 4:27

Suk gato Daud krom ne sangge, we yeraja Herodes si Gubernur Pontius Pilatus si yewis gato ye Yahudi nde si ye Yahudi mo kota ré sum sino. Yé bok ne fro os wa gu Yefun Yesus kwop wé. Yé bok ne fro os wa gu Nan bi pakwerut gato Nan bes wa ben Nan bi suk-i sor. Yé bok ne fro os wa gu Yefun Yesus gato Nan syogat ma mo bur ré wa nai men yetu kadit sukye ete jowa men.