Lukas 21:34 - Abun Scripture

³⁴ ”Nin frawa nin nggwa subere su kam gato Ji satu ma ne, nin fro wa re. Nin mewa nin nggwa subere nin bi sukjimnut kas ri et. Nin yenau nde, nin simo sukibit gato yenau ben ne nde, nin jimnotbot suk mwa gato yetu yémo, sato sugit e, san e, sugum e ne teker nde. Nin bi sukjimnut sye mo suk mwa ne teker nde, sawe nin gensu kam gato Ji satu ma mo bur ré su ne.

Lukas 21:34 ပူးပေါင်းရင်းမြစ်များ

Matius 13:22

Mbet gro gato ges mo jak mit anato tepsu ye gato but sukdu ne, sarewo án jimnotbot suk mwa gato men yetu yémo sato sugit e, san e, sugum e ne. Án bi sukjimnut kasbot suk mwa ne anato sukdu ne yo kom ndo mo án mit o nde, án yo ben suk tepsu sukdu ne nde. Sane án tepsu mbet gro mo jak mit ne, án yo kom ndo nde, i-bo yo mo nde.

Markus 13:9

Su kam gane ma, nin mewa nin nggwa, we bere yé but nin, ete yé gwat nin mu mo ye Yahudi bi yepasye. Yé gwat nin deyo mu mo ye Yahudi bi nu ari dom, ete ye Yahudi kwam nin su bus mone. Bere yé but nin, we nin onyar kem mo Ji, ete nin ben Ji bi suk-i. Bere yé gwat nin mu mo yepasye gato jowa bur ré yo, bere nin ti mo yeraja si gubernur gwem, ete nin ki sukdu subot Ji nai yepasye ne jam.

Markus 4:19

sarewo án jimnotbot suk mwa gato men yetu yémo sato sugit e, san e, sugum e ne. Án iwa ku suk mwa subere án gum pasye. Án bi sukjimnut kasbot suk mwa ne anato sukdu ne yo kom ndo mo án mit o nde, án yo ben suk tepsu sukdu ne nde. Sane án tepsu mbet gro mo jak mit ne, án yo kom ndo nde, i-bo yo mo nde.

Lukas 10:41

Yefun Yesus ki do, ”Marta, nan jimnutbot suk mwa ré teker eta,

Lukas 12:40

Sane dom, nin fro nin nggwa petok sor, we bere Yetu bi Pa ma su jam gato nin jam ri nde.”

Lukas 17:3

Sane yo nin mewa nin dakai, sawe nin ben ye yi ges mo os ibit. Nin bi nji ben sukibit ma nai nin yo, nin ki an mo sukibit gato an ben ne. Nin bi nji do kwet kadit sukibit gato an ben ne yo, nin yo maskwa an mone o nde, nin nutbot o nde.

Lukas 21:35

Sane nin frawa nin nggwa, we kam gane bere bor re, yetu bok ne sino mo bur ré bere gensu sukye gato bor mone.

Lukas 21:8

Yefun Yesus ki do, ”Nin mewa nin nggwa sawe ye yo ma kidar nin. Bere yé mwa ma ki do, ’Ji anato Kristus, kam gane ana ma it, bur ré kru it anare,’ ete kidar yé bok ne sino jammo án re. Yé do ma ki sukdu sane yo, nin simo yé ne nde.

Lukas 8:14

Mbet gro gato ges mo jak miten anato tepsu yé gato but sukdu ne, sarewo án bi sukjimnut sye mo suk mwa mo bur ré, án jimnotbot suk mwa gato men yetu yémo sato sugit e san e sugum e ne. Án iwa ku suk mwa, án meret suk gato ben án mit iwa sor re. Sukdu ne yo kom ndo mo án mit o nde, án yo ben suk tepsu sukdu ne nde. Sane án tepsu mbet gro mo jak mit ne, i-bo yo mo nde.

1 Korintus 5:11

Wo ji bi sukjimnut do, ye gato ki do an onyar kem mo Yefun Yesus, sarewo an ben an bi suk-i ibit bu, men mu karowa an o nde. Ye gato ben an bi suk-i sato ré: an da bro wa ben suksiri e, an gro sye wa suk mwa e, an som sukdaret e, an iwa kiket ye yi gum e, an yenau bu e, an kidar wa syimsi suk e ne. Ye gato ben bi suk-i sane men mu karowa an nde, men git sugit su an dom nde.

1 Korintus 6:10

ye gato syimsi suk e, ye gato gro sye wa suk mwa e, ye gato yenau bu e, ye gato iwa kiket ye yi gum e, ye gato gu ye yi ete nai ye ne bi suk e ne. Ye gato ben bi suk-i sane yo, bere Yefun Allah yo nai ye ne gum sok mo An bi rus-i nde.

Galatia 5:20

án iwa som sukdaret e; án iwa kro ri mo nje e, kwa syua e, syi gwoi mo nje e, suk sane. Án grem sukmaskwa mo án mit wa nje e; án iwa ben sukndi su ye yi daret e; án maskwa ket ye yi mo sukndo gato ye ne ku ne e; án maskwa dek e; án nutbot án dakai sor re, án dakai bes án nggwa kok sor. Án gwat os wa ben nje subere yé mwa ne yo kem ndo su yu nde e; án iwa brek nden we e;

Filipi 4:6

Suk gato nin mitmo ne yo, nin nutbot teker nde, nin nutbot sor nin bi sukjimnut waiyu nde. Wo suk mwa gato nin yewa ne, nin ki napyo nai Yefun Allah jam et. Nin ndek mo Yefun Allah subere Yefun syo suk gato nin yewa ne nai nin, ete nin ki ndo mo An sor.

Ibrani 12:15

Nin mewa yu sawe nin deyo mu brek dari tak Yefun Allah gato ben bi suk-i ne ndo wai su men dakai yi. Nin mewa yu sawe nin deyo gwat os ibit wa nin. Tepsu sukjan gato bi ri mó, ete ri ne waii tok sukjan yi mwa neya, bere te re, nin mewa yu kadit ye gato gwat os ibit gane ma, sawe os ne ben sukye wa nin sino, ete kom mo rut ben nin ibit o re.

2 Petrus 3:10

Sarewo kam gato Yesus Kristus ma ne, bere An ma tepsu yegitsi gato ma wa syimsi suk ne, bere men gensu sor re. Tepsu kam ne, ben sato suk yo pu mo gu, ete sugane gu ne fres re. Ete suk mwa gato kem mo gu nim ne bot git or re. Sane dom bur ré si suk mwa gato mo bur ré fres or re.

2 Petrus 3:14

Sane it yo, ji bi nji ji bi nyanggon gato ji jimnotku, men eswa kam gato Yefun Yesus tom ré it yo, men kamo nde, wo men wergat men nggwa, subere men ben suk mwa ne ndo sor, kwa yo gato ibit mo An gwem mo nde. Sane dom, men werwa men si Yefun Allah kem ndo su yu petok sor.

Wahyu 3:3

Sukduno gato yé duno nin su ne, nin napawa pe sor. Sukduno gato yé ki nai nin jam re, nin jam it, sane nin kwet kadit os ibit, ete nin benbot sukduno ne et. Sarewo nin sem su sukduno ne tó. Nin yo brek satu ma ete muket os gato ndo nde yo, bere Ji ba tepsu yegitsi. Kam gato Ji ba ku nin ne, bere nin gensu.