Lukas 21:17 - Abun Scripture

¹⁷ Nin ben Ji bi suk-i, sane bere yé mwa ne sino bariket nin.

Lukas 21:17 ပူးပေါင်းရင်းမြစ်များ

Matius 10:22

Nin ben Ji bi suk-i, sane bere yé mwa ne sino bariket nin, wo ye gato onyar kem pe mo Ji sor kom mo pe gato or mó, bere ye ne kem ndo to kapyo mato kapyo.

Matius 24:9

Su kam gane ma, yé mwa mo bur ré iwedewe bere bariket nin yé gato onyar kem mo Ji. Sane bere yé but nin e, yé ben sukye nai nin, ete yé gu nin kwop.

Matius 5:11

Nin yé gato simo Ji, ete yé kabor nin e, yé ben sukye nai nin, ete yé ki nin gum ibit ket kwayo-kwayo mone yo, nin mit at wa.

Markus 13:13

Nin ben Ji bi suk-i, sane bere yé mwa ne sino bariket nin, wo ye gato onyar kem pe mo Ji sor kom mo pe gato or mó yo, bere ye ne kem ndo to kapyo mato kapyo.”

Lukas 21:16

Bere nin deyo bi ai si bi im meret os ete syo nin mo ye gato bariket nin syim. Nin deyo bi nji, bi mben, bi yesyim meret os wa nin dom, yé ne syo nin mo yepasye syim dom, orete yepasye syokom yé gu nin deyo kwop wé.

Lukas 21:18

Sarewo Yefun Allah mewa nin pe, nin sugo wokgan yo ibit mo nde.

Lukas 6:22

Nin yé gato simo Yetu bi Pa to Ji ré, bere yé bariket nin, yé misyar nin, yé kabor nin, yé kiket nin gum ibit mone yo, nin mit at wa.

Yohanes 15:19

Nin si yetu mo bur ré bi sukjimnut-i tepsu dik yo, bere yé jimnotku nin, we nin bi sukjimnut-i tepsu yetu ne. Sarewo Ji nai nin kadit yetu bi de-i sok mo Ji bi de-i, sane nin bi sukjimnut-i si yetu bi sukjimnut-i yo tepsu dik o nde, sane anato yé mo bur ré bariket nin.

Yohanes 15:21

Bere yé ben sukye nai nin mo gato nin sok mo Ji bi rus-i, we yé ne jam nde Yefun gato syogat Ji ma mo bur ré.

Yohanes 17:14

Ji frot Nan bi suktaru nai án, eteyo yetu mo bur ré bariket án re, we án si yetu mo bur ré yo bi sukjimnut-i tepsu dik nde. Ji dom, Ji si yetu yo bi sukjimnut-i tepsu dik nde.

Yohanes 7:7

Yetu mo bur ré bere án yo bariket nin nde. Sarewo Ji ki yetu mo bur ré mo sukibit gato yé ben ne bu anato án bariket Ji.

Suk Gato Yerasul Ben Ne 9:16

Bere Ji dakai kadum nai an do, an gwat Ji gum mu ki nai yé mwa ne sino yo, bere an ku sukye ndo nde mone.”

2 Korintus 12:10

Sane anato mo pe gato ji yo nggi nde, bere Kristus bi suktinggi bor mone tó. Ji ben Kristus bi suk-i yo, ji iwa ji ku sukye mone, ji iwa yé kabor ji gum ket kwayo-kwayo e, ji ku sukye e, yé werwa yé gu ji mo Yefun Allah bi suk-i e, ji yewa sukyo-sukyo e ne. Mo sukye bok ne, ji yo nggi o nde yo, bere Kristus bi suktinggi bor sye mone, ete ben sato ji nggi wai kadit sukye gato ben ji rere ne o re.

2 Korintus 4:11

Men kem mo bur ré men ku sukye, we men ben Yesus Kristus bi suk-i, karowa men kwop rok sane pe sor. Men ku sukye mo men kaim budat tepsu Yesus Kristus ku ne subere men ben men bi suk-i mo bur ré tepsu Kristus ben An bi suk-i bor wa yé mwa me.

2 Korintus 4:5

Sukdu gato men ki subot ré, men bes men nggwa tepsu yekwesu mone nde, wo men ki subot Yesus Kristus, An anato men bi Yekwesu, men anato tepsu An bi pakwerut wa men ós An bi rus-i sato nin.

Filipi 1:29

Nin jam do, Yefun Allah ós nin kem ndo, we Yefun Allah syo An bi suktinggi nai nin subere ós nin onyar kem mo Yesus Kristus sor nde, wo An syo An bi suktinggi nai nin subere nin nggi wai kadit sukye gato nin ku ne.

1 Petrus 4:14

Yé kabor nin mo suk gato nin ben tepsu Yesus Kristus bi yetuge-i ne yo, bere Yefun ben sukndo su nin mone. Sane nin mit at wa sor, we Yefun Allah Gen gato nggi wai ne sisu nin mone petok sor.

Wahyu 2:3

Ji jam do, nin simo Ji anato nin ku sukye mone, sarewo nin ben Ji bi suk-i petok sor, nin yo misyar Ji nde, wo nin simo Ji pe sor. Suk bok ne sa, nin ben sisu ndo.